ขาดครูของครู ฟื้นฟูยากใบ้


ค่อยฟังรา อาวอาพี่น้อง ข้าจักไขข้อง แห่งห้องสังก๋า
กะโลงค่าวจ๊อย เป๋นถ้อยภาษา ของจาวล้านนา มาแต่เก่าเกื้อ
เป๋นวรรณก๋รรม ลำนำใฝ่เอื้อ จดจ๋ารคำเครือ เขียนคัด

บันทึกเหตุก๋ารณ์ ข่าวสารอาณัติ เกร็ดเชิงประวัติ เมินมา
หาอ่านเอาเต๊อะ เป่อเลอะปั๊บสา หรือจากต่ำรา ภาษาค่าวสร้อย
บัดนี้สมัย สนใจ๋มีหน้อย เหมือนไฟเปล๋วมอย ลมพัด

อยากฟื้นคืนมา ญะสารพัด ติดขัดก็ด้วย ศิษย์ครู
ล้ำไปกว่านั้น สถาบันหรู ขาดครูของครู ฟื้นฟูยากใบ้
ลางเทื่อหลับฝัน คนบรรพ์นั่งไห้ ลูกหลานเขาใย บ่คล้อย

ตั๋วเมืองก็หาย ค่าวไยก็ซ้อย กะโลงก็จ้อย ตึงมวล
เอ็นดูเจ้นล้ำ คนบรรพ์กำสรวล ลูกหลานเฮาควร จวนกั๋นสืบสร้าง
เริ่มที่ตัวเฮา ใฝ่เฝ้าเอ่ยอ้าง น้อมใจ๋ไปวาง ซึมซับ

ใจ๋หาญอ่านเขียน ตำเปียรเวียนนับ ศึกษาต่ำหรับ ต่ำรา
ฟื้นฮีตขึ้นจั๊น ช่วยกั๋นฮักษา อักษรล้านนา ภาษาค่าวสร้อย
กะโลงแถมหนา ฟื้นมาเทื่อหน้อย สืบฮีตสืบฮอย เอาไว้

เจ้นลูกเจ้นหลาน ได้หันได้ใจ๊ เขาจักสืบได้ ปายลูน
ฮีตล้านนาไซร้ จักได้บ่สูญ รุ่งเรืองไพบูลย์ ปูนนิรันดร์หั้น
ม่อนสาธยาย มาหลายขีดขั้น มันอาจบ่นัน ม่วนเพราะ

ก็ขอสูมา และลาก่อนเนาะ วันลูนจักเหลาะ มาไจ
สุดสายใย ค่าวไว้เต้าอี้ เต้านี้ขอวางลง ก่อนแลนายเหย.

หมายเลขบันทึก: 231332เขียนเมื่อ 23 ธันวาคม 2008 07:28 น. ()แก้ไขเมื่อ 14 มิถุนายน 2012 23:37 น. ()สัญญาอนุญาต: จำนวนที่อ่านจำนวนที่อ่าน:


ความเห็น (133)
  • สวัสดีเจ้า ป้อครูทนัน..

จะฟั่งไปไหนเจ้า   กลับมาเขียนค่าว เขียนโคลง  ฮื้อลูก หื้อหลานอย่างต้อมอ่านก่อนนะเจ้า   และต้อมก่อเจื้อว่าคนตี้ฮักอ่านยังมีแห๋มนักเจ้า

สวัสดีเจ้า....

ลูกเมือง ต้องเขียมใจ๋ บ่ฮู้จะยะจะใด อู้บ่จ้าง .... เศร้าใจ๋...

อาจารย์สบายดีนะคะ..^__^..

รีบไปไหนเจ้าอาจารย์..สบายเน้อเจ้า

สวัสดีปีใหม่เจ้า

สวัสดีครับคุณ ทนัน

เข้ามาแลกเปลี่ยน กะโลง ค่าว

 แม้นไม่เข้าใจเรื่องราวทั้งหมด แต่ก็พอรู้ความหมาย

"สื่อสารท้องถิ่น ยินยลมากมาย เมื่อเอาใช้มักไม่สื่อสาร ภาษาต่างชาติอาจหาญเรียนรู้ ถึงภาษาปู่ไม่รู้ไม่เรียน มีคนน้อยนิด หมั่นคิดหมั่นเขียน สื่อสารแลกเปลี่ยน เรียนรู้กันมา อย่าให้สูญหาย โปรดได้ช่วยกัน ยึดไว้ให้มั่น ฐานวัฒนธรรม."..ด้วยคาระวะแด่ฐานที่มั่นทางภาษาครับ

เรียนท่านอ.ทนัน

ได้ติดตามน้องดาวลูกไก่

ไปพบบทกลอนนี้

ขออภัยที่ไม่มีความรู้เลย 

แต่ชอบ ชอบมาก มันแปลกๆ รู้สึกกนใจโดนที่รู้ความหมายไม่หมด แต่รับรู้ว่าอ่านแล้ว อื้ม....

คล้ายๆเหมือนจะเข้าใจ แต่ไม่เข้าใจ

คล้ายๆ คล้ายได้ยิน แต่ไม่ได้ยิน

คล้ายๆ คล้ายเคยเห็นแต่ไม่เคยเห็น

 คล้ายๆ คล้ายเคยขับ แต่ไม่เคยขับ

จึงต้องมาขอความกระจ่างจากท่าน

ด้วยความเคารพค่ะ

P.
สรีสวัสดิ์ เนปาลี

  • บ่ได้ฟั่งฟ้าว บ่ห้าวไปไหน เป๋นเพราะค่าวใย มันไขหมดเสี้ยง
    หมดลำนำ เหมือนคำนกเอี้ยง สุดสร้อยสำเนียง ยั้งพัก
    บัดนี้เข้ามา เนปาลีตั๊ก นักอ่านอย่างต้อม ยังมี
    ยินดียิ่งล้ำ ฟังกำหลานศรี ญะหื้อเฮามี ขวัญดีสักหน้อย ขวัญดีสักหน้อย.
  • ขอหื้อโชคดีมีความสุขตลอดไปเน้อครับ

สวัสดีค่ะ ท่านผอ.ค่ะ

  • แวะมาทักทายยามดึกค่ะ
  •  ท่านผอ.สบายดีนะค่ะ
  • ที่เชียงใหม่อากาศเป็นไงบ้างค่ะช่วงนี้
  •  รักษาสุขภาพด้วยนะค่ะ
  • ด้วยความเคารพค่ะ

P.
สรีสวัสดิ์ครับ คนไม่มีราก

  • ลูกเมืองเหนือไซร้ ฤๅไทยอิสาน ภาคกล๋างวงศ์วาน ฤๅฐานถิ่นใต้
    บ่ว่าอยู่ไหน อยู่ไกล๋อยู่ใกล้ ก็ล้วนเลือดไทย ทั้งนั้น
    แม้นภาษาเสียง สำเนียงสื่อซั้น จักแผกเพี้ยนอั้น กั๋นไป
    สูมาเต๊อะครับ ม่อนขับขานไข เป๋นค่าวซอใย อ่านได้บ่เสี้ยง อ่านได้บ่เสี้ยง.
  • ถึงคนไม่มีรากจะอ่านและแปลไม่ค่อยเข้าใจ แต่ก็ยังแวะเวียนมาให้กำลังใจไม่ขาด นับถือครับ
  • ขอให้โชคดีมีความสุขตลอดไปนะครับ

P.
สรีสวัสดิ์ครับ พิมญดา ศรีสวัสดิ์

  • ยินดียิ่งแล้ว หลานแก้มาหา ชื่อพิมญดา มาอวยพรหั้น
    ขอหื้อสุขขี ปี๋ใหม่ว่าอั้น แถมบ่กี่วัน นี้ละ
    ม่อนขอขอบใจ๋ ในพรไจยะ วาทะกล๋อนอั้น ปั๋นมา
    พรประเสริฐนั้น จงผันคืนหา หื้อพิมญดา ผาสุกเนอเจ้า ผาสุกเนอเจ้า.
  • ขอหื้อโชคดีมีความสุขตลอดไปเน้อครับ.

P.
สรีสวัสดิ์ครับ บังหีม--ผู้เฒ่าnatachoei--

  • สื่อสารถิ่นท้อง บ่ข้องใฝ่หา เอาต่างชาติมา บีทาเบียดเข้า
    ภาษาปู่สอน แต่ก่อนแต่เหง้า บ่อู้บ่เอา มาใจ๊
    มีคนหน้อยนิด หมั่นคิดหมั่นไซ้ สื่อสารกั๋นได้ ปายลูน
    วัฒนธรรมนั้น อย่าหื้อหายสูญ ช่วยกั๋นค้ำจุน อุดหนุนกอบกู้ อุดหนุนกอบกู้.
  • ขอหื้อโชคดีมีความสุขตลอดไปเน้อครับ.

P.
สวัสดีครับ krutoi

  • ค่าว เป็นวรรณกรรมประเภทหนึ่งของล้านนา
  • ค่าว ใช้บันทึกประวัติ เหตุการณ์ คำสอน เกร็ดความรู้ คำเกี้ยวพาราสีของหนุ่มสาวสมัยก่อน ฯลฯ
  • ค่าว หากจะลองศึกษาก็เป็นเกียรติอย่างยิ่งครับ
  • ยินดีเต็มร้อย ครูต้อยมาหา ท่านแวะเข้ามา พูดจาสื่อถ้อย
    ท่านว่าสนใจ ในเรื่องค่าวสร้อย ติดตามร่องรอย มาทัก
    ว่าแปลกแปลกดี กลอนนี้น่ารัก สมัครเรียนได้ ไหนนา
    ด้วยเหตุฉะนี้ จึงรี่ไปหา แผนผังค่าวมา ให้อาจารย์ต้อย ให้อาจารย์ต้อย.
  • แต่งเป็นภาษาไทยกลาง เพียงจัดสัมผัส แต่ไม่เน้นวรรณยุกต์ จึงขาดระบำสำเนียง
  • ขอให้โชคดีมีความสุขตลอดไปครับ

P.
สวัสดีครับ •.♥°.•.♥• kittyjumpเลขาnatadee.•.♥.•°♥

  • ยินดีต้อนรับ ครับท่านเลขา kittyjumpนา มาหาถึงบ้าน
    มาทักมาทาย มากมายหลายด้าน อากาศหนาวนาน อยู่ครับ
    ถามด้วยห่วงใย สบายดีครับ แต่ทรัพย์มีหน้อย เต๋มที
    ขอบคุณเน้อครับ kittyjumpศรี ขอสวัสดี มีสุขเน้อก้อย มีสุขเน้อก้อย.
  • ขอบคุณมากครับที่แวะมาเยี่ยมเยียน
  • ขอให้โชคดีมีความสุขตลอดไปนะครับ

สวัสดีเจ้า  ป้อครูทนัน..

  • บ่ได้ฟั่งฟ้าว บ่ห้าวไปไหน เป๋นเพราะค่าวใย มันไขหมดเสี้ยง
    หมดลำนำ เหมือนคำนกเอี้ยง สุดสร้อยสำเนียง ยั้งพัก
    บัดนี้เข้ามา เนปาลีตั๊ก นักอ่านอย่างต้อม ยังมี
    ยินดียิ่งล้ำ ฟังกำหลานศรี ญะหื้อเฮามี ขวัญดีสักหน้อย ขวัญดีสักหน้อย.
  • ขอหื้อโชคดีมีความสุขตลอดไปเน้อครับ

 

กลั๋วป้อฟั่งฟ้าว   กลั๋วห้าวไปไหน   เป๋นเพราะจะได   หื้อไขฮื้ออู้

หมดคำลำนำ  ก่อฮ่ำซ่ำฮู้   บ่ฮื้อป้อครู   ยั้งพัก

ลูกหลานเข้ามา  ก่อมีจ๊าดนัก   ตี้ยังฮ้องฮัก  ใคร่อ่านค่าวโคลง....

 

อู้บ่จ่างแล้วเจ้า.. ^^

  • สรีสวัสดียามขวายๆเจ้า ผอ.ทนัน ภิวงศ์งาม
  • มาฮ่วมต๋ามฮีตโตยฮอยล้านนาเฮาเจ้า
  • ชื่นชมผอ.ที่เป็นปราชญ์ด้านอักขระล้านนา ค่าวแต่ละบทตอนมีความไพเราะและความหมายที่ดี
  • แต่งมาหื้อลูกศิษย์อ่านนักเน้อเจ้า  ผอ.ฮักษาสุขภาพเน้อเจ้า

 

P.
สวัสดีครับหลาน เนปาลี

  • กลั๋วป้อฟั่งฟ้าว กลั๋วห้าวไปไหน เป๋นเพราะจะใด หื้อไขหื้ออู้
    หมดคำลำนำ ก่อฮ่ำซ่ำสู้ บ่หื้อป้อครู ยั้งพัก
    ลูกหลานเข้ามา ก้อมีจ้าดนัก ตี้ยังฮักห้อง ค่าวโคลง
    ปรับหื้อแล้วเน้อ ก่ำเบ้อบินหลง วรรณยุกต์ลง ตรงบังคับห้อง ตรงบังคับห้อง.
  • ขอหื้อโชคดีมีความสุขตลอดไปเน้อครับ.

P.
สรีสวัสดีครับศิษย์หน้อย คำแสนดอย

  • คำแสนดอยน้อย เอ่ยถ้อยขับขาน ฮ่วมฮีตโบราณ สืบสานค่าวสร้อย
    มายกหื้อเหลิง บ่เปิงสักหน้อย มาญะหื้อลอย ปล่อยคว้าง
    ใจ๋ผาถนา บ่หื้อมันฮ้าง กึดจักฟื้นสร้าง ฮีตฮอย
    ศิษย์หน้อยนี้ละ ญะหื้อบ่ถอย มาหยื้อมากอย บ่อยบ่อยเนอเจ้า บ่อยบ่อยเนอเจ้า.
  • ขอหื้อโชคดีมีความสุขตลอดไปเน้อครับ

T-T

...

หนูแกะบางคำไม่ออกค่ะ - - แต่ก้อรู้สึกถึงสิ่งที่ครูสื่อในกลอนได้บ้าง

...

สวัสดีปีใหม่ล่วงหน้านะคะครูทนัน

** ป.ล.ผิดเขียนเป็นกลอน...ขออภัยค่ะ

รักษาสุขภาพด้วยค่ะ

  • สิบนิ้วประนมยกมือไหว้
  • ขอพรให้อาจารย์บานเบิกหนา
  • คนพลัดถิ่นพอจะมีเวลา
  • ขอเข้ามากราบกรานสำราญใจ
  • สวัสดีครับอาจารย์ทนัน
  • วันนี้แม้ไม่ใช่วันสำคัญของไทย แต่ก็กลายเป็นส่วนหนึ่งของเราไปซะแล้ว
  • แต่ไม่เป็นไรนะครับ ส่งความสุขได้ทุกวันอยู่แล้วครับ
  • สวัสดีครับ

P.
สวัสดีครับ [SPI©Mië™]~natamaidee - - But narak..

  • กำบางกำนั้น มันกำถิ่นเหนือ กำค่าวกำเครือ เมืองเหนือว่าอั้น
    กำก็คือคำ ลองจ๋ำจื่อหั้น ฝึกอ่านตึงวัน เต๊อะครับ
    ตึงวันทุกวัน เต๊อะครับเถอะครับ จ๋ำจื่ออั้น คือจำ
    ศิริวรรณน้อง ต้องท่องต้องจ๋ำ จักได้รสคำ กำเหนือเน้อเจ้า คำเหนือเน้อเจ้า.
  • ขอให้โชคดีมีความสุขตลอดไปนะครับ

P.
สวัสดีครับ คนพลัดถิ่น~ต้นตอ-natachoei(หน้าตาเฉย)

  • สิบนิ้วยอสา ฮับวันตาไว้ คนพลัดถิ่นอ้าย เปิ้นมาไหว้สา
    เนื่องในก๋าลไซร้ ปี๋ใหม่นั้นหนา ส่งท้ายธันวา มกราเข้า
    สรีสวัสดิ์ คนพลัดถิ่นเจ้า ขอหื้อสุขเนา ห่างตุ๊กข์
    ทรัพย์สินเงินทอง จุ่งก๋องจุ่งฟลุ้ค สุขก๋ายใจถ้วน ควรชม
    กึ๊ดสิ่งใดไว้ หื้อได้หื้อสม มีคนนิยม ชื่นชมถ้วนหน้า ชื่นชมถ้วนหน้า.
  • ขอหื้อโชคดีมีความสุขตลอดไปเน้อครับ
  • สรีสวัสดีเจ้าผอ.ทนัน ภิวงศ์งาม ที่เคารพ

    แวะมาแอ่วเจ้า พร้อมนำภาพวิถีจาวบ้านกับการฮ่วมแรงฮ่วมใจ๋ที่นับวันจะพบเห็นยากมาฝากเจ้า

    คงเข้ากับบรรยากาศหนาวๆช่วงนี้ดี  ขอบคุณเจ้า

   

 

เรียนอ.ทนัน

ครูต้อยอ่อนหัด แต่ว่าอยากเป๋น

อยากเอื้อน อยากเอ่ย ถ้อยกำคำเหนือ

บ่ฮู้กำหลาย ความหมายมากนี้

จักแจ้งเสียที ให้หายสงสัย

กอขอกอกา เริ่มต้นจังได๋

ช่วยบอกช่วยไขให้คลายเสียที

จะงง จะงง จะงง นานบ่......

 

P.
สรีสวัสดิ์ศิษย์หน้อย คำแสนดอย

  •  
  • ฤดูแห่งฟ้า ย่างเข้าหน้าหนาว ตะวันอ้อมฮาว คืนยาววันสั้น
    เพื่อหื้อจาวนา ญะก๋ารอยู่หั้น กล๋างโต้งเมื่อวัน บ่ฮ้อน
    ข้าวเปิ้นนาเขา หมู่เฮาหล้อนหล้อน เป๋นกลุ่มเป๋นก้อน เนืองนัน
    ช่วยกั๋นเอามื้อ คือช่วยตอบกั๋น เป๋นมื้อเป๋นวัน เวียนกั๋นตอบส้าย
    คนบ่หมีนา ตี๋ค่าแฮงจว้าย เป๋นข้าวเนอนาย ตอบย้อน
    เกี่ยวข้าวในนา มัดหาบตี๋ค้อน เป๋นเม็ดเป๋นก้อน ปอนปอง
    ขนเข้าสู่เล้า ได้ข้าวสู่หลอง จิตใจ๋ใยยอง ผดผ่องออกหน้า
    ดีอกดีใจ๋ ข้าวใหม่แห่งข้า ถวายพุทธา ก่อนเต๊อะ
    ฮอดเดือนสี่เป็ง มาเร่งหิ้วเปอะ ข้าวถวายวัด เป๋นตาน
    ได้หั้นเต๋มร้อย ต๋ามถ้อยเก่าขาน ฮีตเก่าเนานาน กิ๋นหวานตานต้อม กิ๋นหวานตานต้อม.
  • โชคดีมีชัยตลอดไปเน้อครับ
  • ตามมาอ่าน
  • และแวะมาทักทายท่านผอ.ครับ
  • ไม่ได้แวะมาเยี่ยมนานมาก
  • คิดถึงครับ
  • ท่านผอ.สบายดีนะครับ
  • รักษาสุขภาพด้วยนะครับ

P.
สวัสดีครับ krutoi

  • ขอบคุณมากที่ให้ความสนใจวรรณกรรมค่าวของชาวล้านนา ขอบคุณอีกครั้ง ขอบคุณจริงๆ
  • คำเหนือส่วนใหญ่จะลง"จัตวา"เยอะเลย บางคำก็เป็นคำถิ่น
  • แต่หากจะลองใช้ภาษากลางล้วนๆ แต่แต่งตามฉันทลักษณ์ค่าวแล้ว ก็พอถูไถนะ
  • ดีใจเต็มร้อย ครูต้อยมาหา มาเจรจา ว่าเป็นคนใต้
    อยากอ่านอยากเรียน อยากเขียนค่าวใด้ จะทำยังไง ดีนะ
    ถ้าอยู่ใกล้กัน ฉันคารวะ จะเป็นครูให้ สอนเลย
    แต่นี่ไกลโพ้น จนใจแล้วเหวย แนะนำเหมือนเคย คลิกเลยครูต้อย คลิกเลยครูต้อย.
  • หมั่นอ่านหมั่นเขียน เพียรทีละนิด ย่อมลิขิตได้ สักวัน
    ปีใหม่ปีนี้ จงมีสุขสันต์ ทรัพย์สินอนันต์ เนออาจารย์ต้อย.
  • ติ๊งหน่องๆๆ
  • มีใครอยู่ไหมคร๊าบบบ
  • มาส่งข้อความคร๊าบบบบ

                คิดถึง

P.
สวัสดีครับคุณครูโย่ง หัวหน้า~ natadee

  • ครูโย่งมาแวะ และมาอู้จ๋า หลายวันเนอรา เปิ้นมาแว่อู้
    ยินดีเหลือเกิ๋น เปิ้นเป๋นนักสู้ หน้าต๋าก็ดู หนุ่มฟ้อ
    ข้าขอสูมา อย่าเพิ่งตัดพ้อ เหตุที่ตอบข้อ ช้าไป
    ปี๋ใหม่ปี๋นี้ จุ่งมีสุขใจ๋ สุขก๋ายโตยไป ทรัพย์ไหลมาข้อน ทรัพย์ไหลมาข้อน.
  • โชคดีมีความสุขตลอดปี ตลอดไปครับ

P.
สวัสดีครับคุณครูปู~natadee t'ซู๊ด

สองห้าห้าสอง เนื่องนองสินทรัพย์ เกินคณานับ จับแจง
อายุทีฆะ วรรณะผ่องแสง พละแข็งแรง แป๋งสุขทั่วหน้า

  • สวัสดีเจ้า  พ่อครูทนัน..

ขออัญเชิญสิ่งศักดิ์สิทธิ์และเทพยดาทั้งหลายจงประสิทธิ์ประสาทพรฮื้อพ่อครูมีสุขภาพกายที่ดี  คิดหวังสิ่งใดก่อฮื้อสมปรารถนา เน้อเจ้า

 

Pสรีสวัสดิ์ครับพี่มนัญญา ~ natachoei ( หน้าตาเฉย)

  • คิดถึงเหมือนเดิม ที่เพิ่มเติมคือความห่วงใย
  • คิดถึง
  • ฮู้จักเป๋นเก๊า เข้ามาอู้จ๋า ในบล็อกนี้นา เหมือนจ๋ากันเหล้น
    เอาไปเอามา ญาติกาเส้น นับว่ากั๋มเวร จ๊าติแล้ว
    นับหน้าถือต๋า บ่คลาคลาดแคล้ว นับเป๋นมิตรแก้ว ใจ๋ใน
    กึ๊ดเติงด้วยจิต คิดถึงด้วยใจ๋ เพิ่มเติมลงไป ห่วงใยพี่เขี้ยว ห่วงใยพี่เขี้ยว.
  • ส่งท้ายปีเก่าด้วยความสดใจ ต้อนรับปีใหม่ด้วยความสดชื่น นะครับ

สวัสดีปีใหม่ค่ะ

ท่านผอ. ขอให้ประสบสุขสมหวังในสิ่งที่ตั้งใจไว้ทุกประการนะค่ะ

ด้วยความเคารพค่ะ^_^

P.
สวัสดีครับศิษย์หน้อย เนปาลี

  • เนปาลี คนดีศิษย์น้อย มาเอื้อนเอ่ยถ้อย พรชัย
    หื้อครูอยู่สุข ตึงก๋ายตึงใจ ปรารถนาใด สมใจ๋ว่าอั้น
    ก็ขอหื้อพร ย้อนสู่ศิษย์หั้น สมปรารถน์กุ้อัน เนอครับ
    ขอหื้อสุขี มากมีสินทรัพย์ เป๋นปึกเป๋นปั้บ ล้านมี
    อายุวรรณะ พละสุขี อยู่สวัสดี ทีฆาเตี้ยงหมั้น ทีฆาเตี้ยงหมั้น.
  • ส่งท้ายปีเก่าด้วยความสดใส ต้อนรับปีใหม่ด้วยความสดชื่น นะครับ

P.
สวัสดีครับ คนพลัดถิ่น~ต้นตอ-natachoei(หน้าตาเฉย)

  • สวัสดีปีใหม่ครับ คิดสิ่งใดขอให้สมความปรารถนานะครับ สาธุ
  • สวัสดีปีใหม่ครับ คิดสิ่งใดขอให้สมความปราถนา นะครับ สาธุ จาก คนพลัดถิ่นครับ
  • สวัสดิ์สรี ปี๋ใหม่เน้อครับ หื้อมีสินทรัพย์ นับล้านในปี๋
    อายุวรรณะ พละสุขี แวดล้อมคนดี เป๋นตี้เปิ้งได้ เป๋นตี้เปิ้งได้.

P.
สวัสดีครับท่านเลขาฯ •.♥°.•.♥• kittyjumpเลขาnatadee.•.♥.•°♥

  • ท่านkittyjump ฝากคำบุปผา ปิยวาจา มาอวยพรให้
    ว่านึกสิ่งใด สมใจจงได้ สุขกายสุขใจ นะคะ
    ก็ขอพรชัย ย้อนไปถึงนะ ครบจตุระ สี่องค์
    ปรารถน์สิ่งใดนั้น พลันได้ประสงค์ สมเจตน์จำนง มั่นคงก้าวหน้า มั่นคงก้าวหน้า.
  • ส่งท้ายปีเก่าด้วยความสดใส ต้อนรับปีใหม่ด้วยความสดชื่นครับ

P.
สวัสดีครับ ดาวลูกไก่ ชื่นชมยินดี

  • สองปันห้าร้อย ห้าสิบสองปี๋ ชวดจรลี ฉลูดีจักเข้า
    ดาวลูกไก่หลาน เบิกบานเน้อเจ้า ปรารถนาเอา ได้เสร็จ
    สิ่งใดใฝ่ฝัน จงพลันสำเร็จ เป็ดเป็นหงส์ได้ นี้คราว
    สุขะพละ วรรณะผ่องขาว อายุยืนยาว ร้อยซาวปี๋หมั้น ร้อยซาวปี๋หมั้น.
  • ส่งท้ายปีเก่าด้วยจิตสดใส ต้อนรับปีใหม่ด้วยใจสดชื่นครับ
  • สวัสดีปีใหม่ค่ะ
  • ขอให้สุขภาพแข็งแรง
  • มีความสุขกายสบายใจนะคะ

Pสวัสดีครับ Rak-na

  • Rak-naชื่อนี้ ยินดีแต๊หนา ที่แวะเข้ามา อู้จ๋าฝากถ้อย
    บอกสวัสดี ปี๋ใหม่สักหน้อย แลฝากร่องรอย พรพจน์
    ขอหื้อRak-na มีลาภมียศ สรรเสริญสุขถ้วน ควรมี
    สุขะพละ วรรณะผ่องศรี อายุยาวมี ทีฆาเตี้ยงหมั้น ทีฆาเตี้ยงหมั้น.
  • ส่งท้ายปีเก่าด้วยจิตสดใส ต้อนรับปีใหม่ด้วยใจสดชื่นครับ

Pสวัสดีครับ กล้วยแขก~natadee~natachoei♥.•°♥

  • อายุทีฆะ วรรณะผ่องศรี พละแรงดี สุขีเน้อเจ้า
    หากมีสิ่งใด กล้วยแขกใฝ่เฝ้า จงสำเร็จเอา ทุกครั้ง
    ก๋ารงานอันใด อย่าได้พลาดพลั้ง เสร็จสมดั่งอั้น ใจ๋นาย
    สินทรัพย์เรืองรุ้ง เพื่อนฝูงมีหลาย ครอบครัวสบาย มุ่งใดก้าวหน้า มุ่งใดก้าวหน้า.
  • ส่งท้ายปีเก่าด้วยจิดสดใส ต้อนรับปีใหม่ด้วยใจสดชื่นครับ

 

  • สวัสดีเจ้า ป้อครูทนัน..

ยิ๊นดีเจ้นล้ำ   ได้คำป้อครู   มาเอ่ยมาอู้   หนูต้อม

หื้ออยู่เป๋นสุข   ตึงก๋ายตึงใจ๊   ปรารถนาใด   สมใจ๋ว่าอั้น

ขอประนมมือ   ถือกำเตี้ยงมั่น   ในกู้สิ่งอัน   ตี้มีฮื้อกั๋นเน้อเจ้า

ทั้งนี้ก่อขอ    ฮื้อป้อสุขี    สุขภาพดี   ต้อนฮับปี๋ใหม่

 

^^  เอาจบดื้อๆ เลยเน้อเจ้า  แบบว่ากึ๊ดบ่ออกแล้ว   กำเดียวจะเพอะไปมากกว่านี้เจ้า

P.
สวัสดีครับศิษย์หน้อย เนปาลี

  • ค่าว นอกจากสัมผัสแล้ว บังคับเสียงวรรณยุกต์สามัญ โท ตรี จัตวา ด้วย ลองสังเกต
  • ยินดีเจ้นล้ำ(ตรี) หันคำศิษย์จ๋าร(จัตวา) ค่าวลงกระดาน(สามัญ) คำขานหนูต้อม(โท)
    ได้กระตำเปียร(สามัญ/จัตวา) หัดเขียนค่าวก้อม(โท) แล้วส่งมาฮอม(สามัญ) ตั๊ดนี้(ตรี)
    เปื้อหื้อป้อครู(สามัญ/จัตวา) มาอู้มาจี๊(ตรี) ว่าเขียนจะอี้(โท) เป๋นใด(สามัญ)
    เกือบดีแล้วครับ(ตรี) จับมาขานไข(จัตวา) วรรณยุกต์ใด(สามัญ) ใส่ใจ๋สักหน้อย(โท)
  • ส่งท้ายปีเก่าด้วยจิตสดใส ต้อนรับปีใหม่ด้วยใจสดชื่นครับ

กราบสวัสดีปีใหม่ ๒๕๕๒ ค่ะ..พ่อครูทนันที่เคารพ

  ขออำนาจคุณพระศรีรัตนตรัยและสิ่งศักดิ์สิทธิ์ในสากลโลก

  โปรดดลบันดาลความสุข ความสดชื่นและความสมหวังในสิ่งอันพึงปรารถนาแด่พ่อครูและครอบครัวทุกประการค่ะ

                             ด้วยรักและเคารพค่ะ..ศน.อ้วน

        

      ป้อครูเจ้า..ศน.อ้วนขอสูมา ตี้บ่ได้เข้ามาทักทายเจื่อนะเจ้า..แต่เข้ามาอ่านบันทึกนี้และบันทึกตี้ผ่านมาแล้วเจ้า  ศน.อ้วนขอปาวารณาตั๋วไว้แล้วเจ้าว่าจะเป๋นหนึ่งแรงในก๋านฮักษาสิ่งดีสิ่งงามตี้ป้อเฒ่าแม่หม่อนเปิ้นได้ฮิได้สร้างไว้ตึงกะโลงโคลงค่าวเจ้า..เมื่อตะวาท่านผอ.โกศลเปิ้นก่อหื้อข้อคิดศน.อ้วนว่าเฮาในฐานะอยู่ตรงกล๋างจะเยี๊ยะจะใดหื้อโฮงเฮียนจ้วยกั๋นพลิกฟื้นเรื่องราวเล่านี้ขึ้นมาใจ๊แถมกำ..แล้วศน.อ้วนจะเรียนปรึกษาป้อครูนะเจ้า..

                          กราบสวัสดีปี๋ใหม่ไทย..ป้อครูงามๆแถมกำเจ้า..

  • สรีสวัสดีเจ้า ผอ.ทนัน ภิวงศ์งามที่เคารพ
  • ปีใหม่นี้ขอหื้อผอ.มีสุขภาพที่ดีโรคภัยไข้เจ็บ อย่าได้มีขอให้เจริญรุ่งเรืองยิ่งขึ้นไปเจ้า

 

         

              ภาพนี้ต่อเนื่อง จากภาพเกี่ยวข้าวเจ้า

 

 

Pสวัสดีครับ กิติยา เตชะวรรณวุฒิ

  • วันนี้สุดท้าย ย้ายผ่านปี๋หนู ปี๋ใหม่มาจู ฉลูงัวแก้ว
    หื้อกิติยา วรรณะผ่องแผ้ว อายุยืนแนว ทีฆะ
    จิตะสุขัง พลังก๋ายะ ธนะทรัพย์อั้น พลันมี
    สรีสวัสดิ์ พิพัฒน์วิถี ขอหื้อโชคดี สุขีเตี้ยงหมั้น สุขีเตี้ยงหมั้น.
  • ส่งท้ายปี๋เก่าด้วยจิตสดใส ต้อนรับปี๋ใหม่ด้วยใจสดชื่นครับ

P.
สรีสวัสดิ์ท่าน ศน.อ้วน

  • อาราธนา พระศรีไตรรัตน์ เต๋จ๊ะกษัตริย์ แห่งรัฐสยาม
    แลองค์เทพไท้ ในโลกตังสาม ก๊ำจุนนงราม นามศอนออ้วน
    หื้ออยู่สบาย ก๋ายใจ๋ครบถ้วน ก๋ารงานอันควร แล้วเสร็จ
    ปรารถนาใด จุ่งได้สำเร็จ ทรัพย์สินนิลเพชร ไหลมา
    กะโลงค่าวล้วน ครูอ้วนเจ้าขา ตั๋วอาตมา อาสาจ้วยเจ้า อาสาจ้วยเจ้า.
  • ส่งท้ายปี๋เก่าด้วยจิดสดใส ต้อนรับปี๋ใหม่ด้วยใจสดชื่นครับ
  • นับถอยหลัง
  • 9  8  7  6  5  4  3  2  1  0
  • เย้...................ชนแก้ว

             ฉลองปีใหม่

P.
สรีสวัสดิ์ครับศิษย์หน้อย คำแสนดอย

  • คำแสนดอย ศิษย์หน้อยสุขี วันปี๋ใหม่มี ชีวีก้าวหน้า
    เจริญต่อไป หนึ่งในแหล่งหล้า บ่มีใผมา เทียมทัด
    นึกหวังสิ่งใด จุ่งได้เร่งรัด สำเร็จดั่งอั้น ทันที
    สัมมาชีพเลี้ยง พอเพียงวิถี ครอบครัวจุ่งมี สุขีเตี้ยงหมั้น สุขเตี้ยงหมั้น.
  • สวัสดีปี๋ใหม่ครับ

P.
สวัสดีครับคุณครูคิม

  • ปี๋ใหม่ปี๋นี้ เป๋นปี๋ฉลู ขอหื้อคิมครู อยู่สุขเนอเจ้า
    หากหวังสิ่งใด ใจ๋คิดใฝ่เฝ้า ขอสำเร็จเอา ทั่วพร้อม
    สินทรัพย์มากมี คนดีแวดล้อม ศิษย์แหนแห่ห้อม บูชา
    จตุรพิธ- พรคาถา ครบทุกองคา ผาสุกแม่นหมั้น ผาสุกแม่นหมั้น.
  • สวัสดีปีใหม่ครับ

Pสวัสดีครับพี่มนัญญา ~ natachoei ( หน้าตาเฉย)

  • เสียงดังฮาเฮ้ เย้ชนแก้วกัน สนุกม่วนงัน สุขสันต์บ่เศร้า
    เถิงก๋าลฉลอง มาถองดวดเหล้า ลางคนก็เมา เกือบเอ๊าะ
    แต่มนัญญา นางฟ้าลัดเลาะ เซาะทักทายอั้น สวัสดี
    ปี๋ใหม่แล้วนั้น ขอท่านสุขี เกษมเปรมปรีด์ มีทรัพย์เพิ่มขึ้น มีทรัพย์เพิ่มขึ้น.
  • สวัสดีปี๋ใหม่ครับ

สวัสดีปีใหม่ 2552ค่ะ

มีความสุขในทุกๆวัน นะคะ

สุขภาพแข็งแรงค่ะ

P.
สวัสดีปีใหม่ครับ @..สายธาร..@

  • ขอสวัสดี วันปี๋ใหม่แล้ว สายธารหลานแก้ว จุ่งมีสุขี
    อราธน์คุณพระ ศาสนะศรี เทพไท้เทวี อันมีในหล้า
    จงดลบันดาล สายธารหลานข้า สุขในอุรา ก๋ายพร้อม
    ปรารถนาใด จงไหลหลิ่งน้อม มาจุ้มาต้อม สายธาร
    ร่ำรวยล้นฟ้า ปัญญาแตกฉาน หน้าที่ก๋ารงาน สืบสานก้าวหน้า เจริญก้าวหน้า.
  • สวัสดีปี๋ใหม่ครับ

P.
สวัสดีปีใหม่ครับท่าน ผอ. นายประจักษ์~natadee

  • สรีสวัสดิ์ พิพัฒน์เต๊อะหนอ ประจักษ์-ผอ. ขอหื้อก้าวหน้า
    เป๋นหนึ่งต่อไป เด่นในโลกหล้า ด้านพัฒนา ก๋ารศึกษ์
    มีสุขารมณ์ สมใจ๋ใฝ่นึก ระลึกจุ่งได้ พลันมี
    ร่ำรวยล้นฟ้า ประชาวิถี ต่างอัญชลี น้อมศีรษ์กราบไหว้ น้อมศีรษ์กราบไหว้.
  • สวัสดีปีใหม่ครับท่าน ผอ.

กราบสวัสดีปีใหม่อีกครั้งค่ะ..พ่อครู

ปีใหม่นี้หนูได้ไปไหว้พระที่แพร่กับน่านมาค่ะ รวม 10 วัดค่ะ

หนูน้อมนำผลบุญมาฝากพ่อครูด้วยค่ะ

สวัสดีค่ะ

  • สุขสันต์วันแรกของการทำงานราชการ..แห่งปีนะคะ
  • มีความสุขและมีกำลังใจนะคะ
  • รักและคิดถึงค่ะ
  • P.
    สรีสวัสดิ์ท่าน ศน.อ้วน

    • สรีสวัสดิ์ พิพัฒน์วิถี จงบังเกิดมี กับพี่ครูอ้วน
      ประสงค์อันใด จุ่งได้ครบถ้วน หื้อบัวรมวล พร้อมพรึ้บ
      เงินทองเข้าของ จุ่งก๋องขะลึ้บ เปี๋ยหยังติดหนึ้บ มือดี
      อายุทีฆะ วรรณะผ่องศรี พละแฮงดี สุขีจุ้ด้าน สุขีจุ้ด้าน.
    • การไหว้พระก็เป็นอุบายหนึ่งที่ทำให้ใจสงบ เมื่อใจสงบย่อมได้ปัญญา สาธุ อนุโมทนาครับ

    P.
    สรีสวัสดิ์ครับคุณครูคิม

    • วันแรกวานนี้ มันมีแต่ก๋าร แต่ก็สำราญ ก๋ารงานเสร็จสิ้น
      เพราะเพื่อนร่วมงาน ช่วยกันดีดดิ้น ต่างก็ยลยิน สงเคราะห์
      แถมหัวใจ๋ฟู ครูคิมเสียงเพราะ อำนวยเสนาะ พรชัย
      ยินดีเน้อครับ สำหรับคำไข ขอพรย้อนไป สุขใจ๋ก๋ายเจ้า สุขใจ๋ก๋ายเจ้า.
    • สุข สดชื่น สมหวัง จงเป็นของครูคิม และครอบครัวตลอดไปนะครับ
    • ธุ พ่อครูเจ้า..

    สวัสดีเจ้า    กิ๋นข้าวแล้วกา    ศิษย์น่อยขอมา    ปรึกษาป้อน่อย

    จะเขียนค่าวโคลง    กะโล่งวันนี้   เขียนจะไดดี    ยากแต๊

    เขียนยากเขียนเย็น    ป้อเข็ญฮื่อน่อย    สักวันคงจะเต็มร้อย   เน่อเจ้า

    จดเป็นตาราง    มาวาง มาอู้     พยายามอยู่    แต่บ่ฮู้จะเขียนจะไดแล้ว..ว..ว  เจ้า

     

    ^^  มาอู้ มาทักทายหลังปีใหม่เจ้า  

    P.
    สรีสวัสดิ์ครับศิษย์หน้อย เนปาลี

    • 55555555 สุดยอดเลยศิษย์น้อย
    • สวัสดิ์เมื่อเจ๊า กิ๋นข้าวแล้วก๋า ศิษย์หน้อยขอมา เปิ้กษาป้อหน้อย
      จักเขียนค่าวโคลง กะโลงค่าวสร้อย ลองหัดเขียนกอย ยากแต๊
      เขียนยากเขียนเย็น ป้อเข็นหื้อแล้ ขอป้อช่วยแก้ เนอรา
      จดเป๋นกระทู้ มาอู้มาจ๋า เปียรญะอยู่นา แต่ว่ามึนแล้ว..ว..ว เจ้า.
    • ความเพีนรอยู่ที่ไหน ความสำเร็จอยู่ที่นั่น จร้า...
    • ขอให้โชคดีมีความสุขตลอดไปเน้อครับ
    • พ่อครูเจ้า..

     

    ยกมือไหว้สา    ครูบาอาจ๋าร    ตี้สอนเขียนอ่าน    ในลานความรู้

    สอนเขียนค่าวโคลง    แล้วส่งมาอู้    เป๋นยิ่งกว่าครู    ฉะนี้

    ป้อก่อยก่อยสอน    ล่ะออนคนนี๊    ฮื้อเขียนจะอี้    ใส่ใจ

    ขอขอบพระคุณ    ตี้หนุนจนได้    ลำบากจะได    ก่อใจ๋ใคร่สู้

     

    บางครั้งยากเหลือ    ก่อเบื่อก่อก้าย    หากกึ๊ดเสียดาย    ค่าวต๋าย..หายเสี้ยง

    วรรณกรรมพื้นเมือง    ตี้เลื่องปร้างเปรี้ยง    จะเหลือแต่เพียง    วิญญ๋า

    ความฮู้ดีดี    บ่มี๋แล้วหนา    คนมาอู้จา    ภาษาค่าวโคลง

    เสียดายเจ้นล้ำ    ถ้อยคำตี้มี    ความหมายดีดี    จะบ่มีไผสืบสาน

     

    (((((((ปาดเหงื่อ..เจ้า)))))))  

    ท่าน ผอ. คะ

    • มาช่วยซับเหงื่อที่ตกของคนข้างบนค่ะ ^^!
    • เห็นเปิ้นเขียนค่าว ดูง่ายดีแต๊ แต่เฮาบ่แน่ บ่กล้าจะเขียน
    • หื้อหัดจะใด จะให้ไพเราะ ก่อกลัวหน้าแตก เพราะเป็นกำเมือง
    • แต่เฮาชอบอ่าน แบบว่าออกเสียง มันม่วนดีแต๊  พอเผลอซึมซับ เป็นนักลักจำ
    • แบบว่าพอจะสอบผ่านให้สมัครเป็นศิษย์โตยก่อเจ๊า...
    • เกรงว่าอาจารย์จะยิ่งมึนหนัก พาราซักเม็ดก่อนมั้ยคะ
    • สวัสดีปี่ใหม่ค่ะ
    • Happynewy05 

     

    • พ่อครูเจ้า..

    อ่านของต้อมกับพี่จ๊ะ Pคนนี้คงจะปวดหัวเน้อเจ้า  ^^  ฮื้อไปเบิกยาพาราตี้ห้องสมุด มช.  อิอิ   พากันแต๋งแต๊-แต๊งว่า   แต่สงสัยจะทำฮื้อพ่อครูปวดหัวหนัก

    พี่จ๊ะ เปิ้นอู้คำเมืองบ่จ้าง..เจ้า  ^^  แสดงฮื้อหันว่าเปิ้นมีความพยายามมากกว่าต้อมนักขนาด   เยี่ยมไปเลย   ปรบมือให้สามแปะ

    สวัสดีค่ะพ่อครู

    พอมาอ่านคำเมืองจริงๆ อ่า งง ค่ะ แหะๆ

    มีความสุขทุกๆวันนะคะ

    ท่านผอ. ค่ะ รีบมาแก้ตัวก่อนนะค่ะว่าเขียนเสร็จย้อนไปอ่านหน้าแรกถึงได้เจอ...ผังค่าวค่ะ (เอาผ้าขนหนูมาซับเหงื่อที่ตกด้วยค่ะ)

    ดีใจเต็มร้อย ครูต้อยมาหา มาเจรจา ว่าเป็นคนใต้
    อยากอ่านอยากเรียน อยากเขียนค่าวใด้ จะทำยังไง ดีนะ
    ถ้าอยู่ใกล้กัน ฉันคารวะ จะเป็นครูให้ สอนเลย
    แต่นี่ไกลโพ้น จนใจแล้วเหวย แนะนำเหมือนเคย คลิกเลยครูต้อย
    คลิกเลยครูต้อย.

    • พ่อครูเจ้า..

    ต้อมเพิ่งเห็นผังค่าวซ่อนอยู่ในบรรทัดที่พี่จ๊ะเปิ้นเอามาให้ดู 

     

    • พี่จ๊ะ..จ๊ะ

    น้องจ๊ะเขียนตามที่พ่อครูทนันบอกมาว่า..

    สวัสดีครับศิษย์หน้อย เนปาลี

    • ค่าว นอกจากสัมผัสแล้ว บังคับเสียงวรรณยุกต์สามัญ โท ตรี จัตวา ด้วย ลองสังเกต
    • ยินดีเจ้นล้ำ(ตรี) หันคำศิษย์จ๋าร(จัตวา) ค่าวลงกระดาน(สามัญ) คำขานหนูต้อม(โท)
      ได้กระตำเปียร(สามัญ/จัตวา) หัดเขียนค่าวก้อม(โท) แล้วส่งมาฮอม(สามัญ) ตั๊ดนี้(ตรี)
      เปื้อหื้อป้อครู(สามัญ/จัตวา) มาอู้มาจี๊(ตรี) ว่าเขียนจะอี้(โท) เป๋นใด(สามัญ)
      เกือบดีแล้วครับ(ตรี) จับมาขานไข(จัตวา) วรรณยุกต์ใด(สามัญ) ใส่ใจ๋สักหน้อย(โท)
    • ส่งท้ายปีเก่าด้วยจิตสดใส ต้อนรับปีใหม่ด้วยใจสดชื่นครับ

     

    อ้อ  จะบอกว่าพออ่านเจอแล้วก็จัดการพริ้นท์ออกมาเก็บไว้เลยค่ะ   จะได้ใช้ดูง่ายๆ เวลาเขียน 

    • พ่อครูเจ้า..

    ต้อมขอฟ้อง..ง..ง   และต้อมเรียนจบไฟฟ้าอ่ะ    ตกลงรับพี่จ๊ะเป็นศิษย์ก่อเจ้า???????   อิอิ  ลุ้น  จะได้มีศิษย์เพ่ เอ๊ย! ศิษย์พี่เจ้า

     

    P 69. ดาวลูกไก่ ชื่นชมยินดี
    เมื่อ อ. 06 ม.ค. 2552 @ 21:29

    น้องจ๊ะ จ๊ะ

    พรุ่งนี้พ่อครูทนันทุบโต๊ะเจ็บมือแน่เลย   เด็กโข่งรุ่นนี้ไปทำอะไรกัน เขียนเสร็จ   ตายละวา   ไม่ได้ศึกษาผังค่าวที่พ่อครูทำลิงค์ไว้ให้ก่อนเสียด้วย... (ก็พี่เรียนเอกโฆษณามานี่นา...เขียนอะไรก็ฟรีสไตล์ไร้สัมผัส สระ ฯลฯ แบบนี้ ว่าจะว่าจะไม่ทำให้บันทึกใครเสียแล้วเชียวหนา...)

    สวัสดีปีใหม่ครับ อ.ทนัน

    P.
    สรีสวัสดิ์ครับศิษย์หน้อย เนปาลี

    • เก่งขึ้นแล้ว เอาค่าวก้อม 4 บรรทัดก่อนน้อ
    • ยกมือไหว้สา ครูบาอาจ๋าร ตี้สอนเขียนอ่าน ในลานความรู้
      บรรทัดแรก
      ยกมือไหว้สา - ลง สา ไม่ได้ สาเป็นเสียงจัตวา ตรงนี้ต้องตรี
                      - และให้ส่งสัมผัสไปที่คำที่ 1 หรือ 2 หรือ 3 ในวรรคถัดไป
      ครูบาอาจ๋ารย์ - ลงจ๋ารย์ จัตวา ได้ 
                      - ส่งสัมผัสไปที่คำท้ายของวรรคถัดไปคือ อ่าน
                      - แต่ อ่าน เป็นเสียงเอก ไม่ได้ ตรงนี้ต้องลงเสียงสามัญ และส่งสัมผัสไปที่คำที่ 1 หรือ 2 หรือ 3 ของวรรคถัดไป
      บรรทัดที่ 2 ได้
      บรรทัดที่ 3 ได้
      บรรทัดที่ 4 ปรับให้เป็นเสียง ตรี จัตวา สามัญ โท เหมือนบรรทัดแรก แต่ให้ระวังสัมผัส ระหว่างบรรทัดด้วย

    • ลองแต่งใหม่ เป็น
      ยกมือไหว้นบ เคารพอาจ๋ารย์ ตี้สอนเขียนจาร ในลานคนสู้
      สอนเขียนค่าวโคลง แล้วส่งมาอู้ เป๋นยิ่งกว่าครู ฉะนี้
      ป้อก่อยก่อยสอน ล่ะอ่อนคนนี๊ ฮื้อเขียนจะอี้ ใส่ใจ
      ขอบพระคุณคะ ตี้จะเข็นไข ลำบากจะใด ก่อใจ๋ใคร่สู้

    • เสียงตรี - นบ, นี้(ฉะนี้), นี้(คนนี้), คะ
      เสียงจัตวา - จ๋ารย์, ไข
      เสียงสามัญ - จาร, ครู, ใจ, ได
      เสียงโท - สู้(คนสู้) อู้, อี้, สู้(ใคร่สู้)

    • สัมผัส
      ในบรรทัด : นบ-รพ / จาร-ลาน / โคลง-ส่ง / สอน-อ่อน /คะ-จะ / ใด-ใจ๋
      ระหว่างบรรทัด : สู้-อู้ / นี้(ฉะนี้)-นี้(คนนี้) / ใจ-ไข

    • ลองดูอีกที สัก 4 บรรทัด

    P.
    สวัสดี ดาวลูกไก่ ชื่นชมยินดี

    • อยากหัดเขียนค่าวรึ ด้วยความยินดีครับผม
    • เอาค่าวก้อมให้ได้ก่อน แล้วค่อยๆ เอามาต่อกันให้ยาวๆ
      .
    • เอานี่เลย (ยืมของหลานต้อม) เอาเสียงวรรณยุกต์นะครับ อย่าง ล้ำ รูปโท เสียงตรี
    • ยินดีเจ้นล้ำ(ตรี) หันคำศิษย์จ๋าร(จัตวา) ค่าวลงกระดาน(สามัญ) คำขานหนูต้อม(โท)
      ได้กระตำเปียร(สามัญ/จัตวา) หัดเขียนค่าวก้อม(โท) แล้วส่งมาฮอม(สามัญ) ตั๊ดนี้(ตรี)
      เปื้อหื้อป้อครู(สามัญ/จัตวา) มาอู้มาจี๊(ตรี) ว่าเขียนจะอี้(โท) เป๋นใด(สามัญ)
      เกือบดีแล้วครับ(ตรี) จับมาขานไข(จัตวา) วรรณยุกต์ใด(สามัญ) ใส่ใจ๋สักหน้อย(โท)
      .
    • อันนี้ จะลองเอาที่ดาวลูกไก่แต่ง มาร้อยและปรับแก้ดูนะ
      ดูง่ายดีแต๊ แต่เฮาลองเขียน แทบจะอาเจียร เขียนปอจับไข้
      จะหัดจ่ะใด หื้อไพเราะได้ กลั๋วหน้าแตกไง พี่น้อง
      จ๋าเป๋นกำเมือง เป๋นเรื่องใคร่ฟ้อง ตึงอู้ตึงถ้อง บ่เปียง
      แต่ชอบอ่านแต๊ แบบว่าออกเสียง ม่วนในสำเนียง เสียงเจ้าเจ้าเจ้า.
    • ว้าว เรียนท่าน ผอ. ค่ะ
    • ขอบพระคุณค่ะ จะมาค่อยๆ หัดเขียนตามคำสอนสั่งค่ะ
    • ว่าแต่ คำว่า เปียง แปลว่าอะไรคะ แปลว่า ถนัดหรือเปล่า เนี่ยค่ะภาษาเมืองก็ไม่ได้แล้ว (ก่อนอื่นดาวลูกไก่จะไปหาพจนานุกรมภาษาพื้นเมืองมาไว้ประกอบการเขียนก่อนนะคะ เหมือนๆ จะเคยเห็นค่ะ)
    • โห..ไม่ได้แวะมาไม่กี่วัน
    • ที่นี่กลายเป็นโรงเรียนสอนการเขียนวรรณกรรมไปแล้ว
    • ลูกศิษย์ข้างบนสอนยากไหมคะ
    • แต่คนที่กำลังบันทึกนี่ยากน่าดู  อิอิ

    ทักทาย

    P.
    สวัสดีครับ เทียนน้อย

    • ขอบคุณมากที่เข้ามาเยี่ยมครับ
    • จะลองใช้ภาษากลางแต่งค่าวดูนะ แต่เสียงจัตวานี่ เลี่ยงไม่ได้จริงๆ
      อันหลานเทียนน้อย ฝากถ้อยวาจ๋า สวัสดีนา พ่อครูว่าอั้น
      อ่านคำเมือง เรื่องยากเต็มขั้น รู้สึกว่ามัน ยากแท้
      แลก็อวยพร ให้เป็นสุขแล้ สุขยิ่งปริ่มแป้ ทุกวัน
      ขอให้เทียนน้อย นั้นมีสุขสันต์ ทุกคืนทุกวัน หรรษาเนอเจ้า หรรษาเนอเจ้า.
    • เขียนไทยกลาง อ่านไทยกลางก็พอได้ความ แต่หากอ่านสำเนียงเหนือ ได้อรรถรสด้วยครับ
    • ขอบคุณค่ะพ่อครู
    • จริงๆแล้วชอบภาษาเหนือนะคะ เพราะดีค่ะ
    • คล้ายๆกับภาษาอีสาน ถ้าไปเหนือก็ฝึกอู้คำเมืองกับเพื่อนๆค่ะ
    • ถูกบ้าง ผิดบ้าง แต่ก็ใจรักค่ะ
    • ด้วยความนับถือค่ะ

    Pสวัสดีครับท่าน วัชรา ทองหยอด

    • ยินดียิ่งแล้ว มิตรแก้วมาหา ท่านวัชรา มาจ๋าเอ่ยถ้อย
      เอาปอนมาปั๋น หวานเหมือนน้ำอ้อย เผียบเอากับฮอย ธรรมะ
      นำเอาบทกล๋อน คำสอนสังฆะ พุทธทาสหั้น มาอวย
      ขอวัชรานั้น จงพลันถูกหวย ปันร่ำปันรวย ดั่งอวยพรหื้อ ดั่งอวยพรหื้อ.
    • แวะมาแอ่วแถมเน้อครับ

    Pสวัสดีครับ ดาวลูกไก่ ชื่นชมยินดี

    • ยินดีครับ มาหัดแต่งค่าว อ่านค่าว โตยกันหน้อครับ
    • เปียง หมายถึง เพียงพอ หรือ เท่าเทียม
    • บ่เปียง หมายถึง ไม่ถนัดเพียงพอ หรือไม่เท่าเทียมกับคนเมืองจริงๆ ทำนองนี้
    • มีครับ ที่ผมใช้อยู่ก็ "หลักภาษาไทยพายัพ" ของพระธรรมราชานุวัตร (ฟู อตฺตชิโว) ครับ
    • ขอให้โชคดีมีความสุขครับ

    Pสรีสวัสดิ์ครับพี่ มนัญญา ~ natachoei ( หน้าตาเฉย)

    • โฮงเฮียนแห่งนี้ มีศิษย์บ่หลาย ลองกั๋นบ่ดาย ด้วยใจ๋ชอบสู้
      ต่างคนต่างฮัก กึ๊ดจักกอบกู้ จักฟื้นจักฟู ค่าวจ๊อย
      จึงมาหัดเขียน มาเฮียนเรียงร้อย แต่งเป๋นค่าวสร้อย ซอใย
      กุ๊กุ๊มะมะ มอกปาถูไถ เจิญมนัญญ์ใจ จ้วยไขสักหน้อย จ้วยไขสักหน้อย.
    • โชคดีมีความสุขตลอดไปเน้อครับ

    P.
    สวัสดีครับ เทียนน้อย

    • ขอบคุณครับที่แวะมาเยี่ยมอีกครั้ง ยามดึก
    • ขอบคุณมากที่ชอบภาษาเมืองเหนือ
    • ครับคล้าย ๆ คำของภาคอีสาน บางคำก็เป็นคำเดียวกันเลย
    • หากหมั่นสังเกต ก็พอจะอ่าน เขียน ฟังได้ แต่พูด(อู้)นี่ ยากหน่อยครับ
    • ขอบคุณอีกครั้ง และขอให้โชคดีมีความสุขตลอดไปนะครับ

    สวัสดีค่ะ

    • อ่านแล้วนะคะ
    • ไม่เข้าใจมากนัก  แต่เป็นเรื่องดีมีความหมายค่ะ
    • ขอขอบคุณค่ะ

    P.
    สวัสดีครับคุณครูคิม

    • อ่านแล้วเรียบร้อย บ่ค่อยเข้าใจ๋ ก็มะเป็นไร ขอบใจ๋เน้อเจ้า
      แต่ก็ยังดี มีหมายใจ๋เข้า เข้าใจ๋เลาเลา บ่นัก
      ขอคุณเนอรา ที่มาเอ่ยทัก ครูคิมน่ารัก แท้นอ
      หมั่นมาแวะทัก ทุกวันละหนอ เท่านี้เพียงพอ ขอขอบคุณเจ้า ขอขอบคุณเจ้า.
    • โชคดีมีความสุขตลอดไปเน้อครับ.
    • พ่อครูทนันเจ้า..

    มาในวันนี้    สวัสดีอาจ๋ารย์    สอนเขียนสอนจาร    สอนอ่าน..สอนฮู้

    สอนเขียนค่าวโคลง    ยุส่งฮื้ออู้    พระคุณของครู    มากล้ำ

    ครูก่อยก่อยสอน    ล่ะอ่อนซ้ำซ้ำ    ต๊กเปียกตกฮำ    จะได

    ขอไหว้ขอนบ    เคารพจากใจ    ลำบากเต้าใด    ก่อใจ๋เต็มร้อย

    P"
    สรีสวัสดิ์ศิษย์หน้อย เนปาลี

    • มาในวันนี้ สวัสดีอาจ๋ารย์ สอนเขียนสอนจาร สอนอ่านสอนฮู้
      สอนเขียนค่าวโคลง ยุส่งฮื้ออู้ พระคุณของครู มากล้ำ
      ครูก่อยก่อยสอน ล่ะอ่อนซ้ำซ้ำ ต๊กเปียกตกฮำ จะได
      ขอไหว้ขอนบ เคารพจากใจ ลำบากเต้าใด ก่อใจ๋เต็มร้อย
    • ข้อสุงเกตุ
      1. สัมผัส ได้แล้ว
      2. วรรณยุกต์ ยังมีที่ต้องแก้ไขดังนี้
           2.1 ฮู้ เป็นรูปโท แต่เสียงตรี ตรงนี้ต้องเสียงโท ใช้ "อู้" ได้
           2.2 เปลี่ยน อู้ เป็น สู้ (อู้ มันจะซ้ำกับคำก่อน)
           2.3 ฮำ เสียงสามัญ ตรงนี้ต้องเสียงโท
           2.4 ใจ เสียงสามัญ ตรงนี้ต้องเสียงจัตวา ใจ๋ ได้เลย
           2.5 ร้อย รูปโท แต่เสียงตรี ตรงนี้ต้องเสียงโท
           2.6 นอกนั้นถูกต้องแล้ว
    • อีกนีดเดียว ลองปรับบทนี้แหละ ส่งไปอีกที
    • โชคดีมีความสุขตลอดไปครับ

    วันเด็ก

    อยากเป็นเด็กอีกง่ะ

    ช่วงนี้ขี้เกียจทำงานนนนนนน  อิอิ

    แต่ก็กลัวตกงานนนนน ด้วย

    Pสรีสวัสดิ์ครับพี่ มนัญญา ~ natachoei ( หน้าตาเฉย)

    • วันเสาร์ที่สอง ของต้นเดือนมะ กะราคมหั้น แม่นมั่นทุกปี๋
      ถือเป๋นวันเด็ก แห่งชาติดีหลี เด็กทุกคนมี สุขีว่าอั้น
      คนใหญ่ปากั๋น ตกแต่งแปล๋งปั้น สนุกม่วนงัน วันคึ
      วันผ่านพ้นไป เหลืออะไรรึ ฤๅทุกคนอั้น ลืมเลย
      เด็กหรือก็งั้น หันมันเฉยเฉย บ่หมีหยังเลย เด็กเอ๋ยเด็กหน้อย เด็กเอ๋ยเด็กหน้อย.
    • ขอหื้อโชคดีมีความสุขตลอดไปเน้อครับ
    • พ่อครูเจ้า..

    ^____________________^     ยากเนอะ

    • พ่อครูทนันเจ้า..

    ขอกราบขอบพระคุณนะเจ้า ที่จ้วยแก้ไขและแนะข้อสังเกตฮื้อต้อมเอาไปปรับปรุง    ขอเวลาอีกสักนิ้ด..ด..ด เจ้า  รับรองแจ่ม  อิอิ

    อ่านแล้วเรียบร้อย บ่ค่อยเข้าใจ๋ ก็มะเป็นไร ขอบใจ๋เน้อเจ้า
    แต่ก็ยังดี มีหมายใจ๋เข้า เข้าใจ๋เลาเลา บ่นัก
    ขอคุณเนอรา ที่มาเอ่ยทัก ครูคิมน่ารัก แท้นอ
    หมั่นมาแวะทัก ทุกวันละหนอ เท่านี้เพียงพอ ขอขอบคุณเจ้า ขอขอบคุณเจ้า.

    • อ่านแล้วเข้าใจดีตลอดเรื่องค่ะ
    • อยากเรียนถามค่ะว่า...นักเรียนได้เรียนแบบนี้ไหมคะ
    • เป็นภูมิปัญญาที่สูงเลิศเลอเลยนะคะ
    • เรื่องภาษา..นับเป็นวรรณกรรมได้อีกด้วยค่ะ
    • คัดลอกเอาไปหัดอ่านแล้วค่ะ
    • ขอขอบพระคุณค่ะ

    P.
    สรีสวัสดิ์ศิษย์หน้อย เนปาลี

    • ใจ๋หายเจ้นล้ำ ยินกำยากหนอ ใจ๋หายแต๊นอ ขอเต๊อะศิษย์ต้อม
      เถิงยากเปียงได ค่อยไต่ค่อยอ้อม เอาจิตมาฮอม นักนัก
      มาวรรคตี้สอง ใจปองคึกคัก ศิษย์ฮักอยากได้ เวลา
      ใจ๋ดีเจ้นล้ำ ยินกำนี้หนา ครูหื้อเวลา เต้าใดก็ได้ เต้าใดก็ได้.
    • ขอหื้อโชคดีมีความสุขตลอดไปเน้อครับ

     

    กราบสวัสดีปีใหม่ค่ะ ท่าน ผอ.คะ

    ขอให้ท่านอาจารย์และครอบครัวมีความสุข สุขภาพแข็งแรง สดชื่น แจ่มใสตลอดปีและตลอดไปนะคะ

    ด้วยความเคารพรักค่ะ

    P.
    สรีสวัสดิ์ครับคุณครูคิม

    • ยินดีครับ ที่อ่านแล้วเข้าใจดีตลอดเรื่อง
    • อยากเรียนถามค่ะว่า...นักเรียนได้เรียนแบบนี้ไหมคะ?
    • คำถามนี้แหละ ถือได้ว่าเป็นที่มาของบทค่าวบทนี้นั่นเทียว
    • อย่าว่าแต่นักเรียนเลย แม้ครูในโรงเรียนก็หายากมาก ๆ ๆ
    • ยากถึงระดับ ครูของครู คือผู้ที่จะสอนให้คนที่จะออกมาเป็นครู ยิ่งยากใหญ่
    • จึงสะท้อนออกมาเป็นชื่อบทความนี้ว่า "ขาดครูของครู ฟื้นฟูยากใบ้" ไงครับ
    • ถึงแม้นว่าในสถาบันหรือสถานศึกษา จะพยายามใช้ภูมิปัญญาชาวบ้านมาช่วยสอน
    • ก็ได้เพียงระดับหนึ่ง แต่ขาดเอกภาพ ยิ่งสร้างความสับสนให้แก่ผู้เรียน
    • "เรียนไปทำไม?" นี่คือคำถาม ที่ต้องตอบให้ได้ ให้ตรง
    • ถ้าตอบได้และตรง ก็ส่งเสริมฟื้นฟูได้ ถ้าตอบไม่ได้และ/หรือไม่ตรง ก็ยิ่งเสื่อมสลายเร็วขึ้น
    • ครูคิม มีอะไรดี ๆ แนะนำบ้างไหมครับ
    • ขอให้โชคดีมีความสุขตลอดไปนะครับ

    P.
    สรีสวัสดิ์ครับคุณครูคิม

    • มิได้ซิ ขาดบทค่าวฝากคุณครูคิม มิได้แน่นอน
    • ผมนี้นั่งยิ้ม ครูคิมมาไข อ่านแล้วเข้าใจ ได้ตลอดข้อ
      ใช้ภาษากลาง ใช้ผังค่าวจ้อ เขียนไปก็พอ สื่อทัก
      แถมคุณครูคิม จิ้มคำถามซัก ว่านักเรียนได้ ไหมครู
      นั่นแหละคือพจน์ ชื่อบทความหรู ขาดครูของครู ฟื้นฟูยากใบ้ ฟื้นฟูยากใบ้.
    • คำว่า หรู กลอนมันพาไป มิได้มีเจตนา... นะขอรับ อิอิอิ
    • แต่งค่าวเคล้าไทยกลาง ก็หรูไปอีกแบบนะครับ
    • ขอให้โชคดีมีความสุขตลอดไปครับ

    P.
    สรสวัสดิ์ครับคุณครูปู~natadee t'ซู๊ด

    • ยินดียิ่งแล้ว ครูแก้วมาหา ครูปูเปิ้นมา ซาหวัดดีเจ้า
      แถมยังปั๋นปอน หื้อม่อนคนเฒ่า อายุยืนยาว สุขล้น
      จึงขอขอบใจ๋ คืนไปท่วมท้น สุขล้นส่งหื้อ ครูปู
      อายุทีฆะ วรรณะสวยหรู ทรัพย์สินพรั่งพรู สู่ครูปูเจ้า สู่ครูปูเจ้า.
    • ซาหวัดดีปี๋ใหม่เหมือนกั๋นเน้อครับคุณครูปู

    สวัสดีค่ะ

    • มาอ่านอีกรอบค่ะ
    • คนสมัยใหม่เขาเข้าใจเรื่องนี้ไหมคะ
    • นับว่าเป็นภูมิปัญญาด้านวิถีชีวิต
    • มีชมรมอนุรักษ์บ้างไหมคะ
    • เหมือนภาษาล้านนา ก็เคยได้ยินว่ามีนะคะ
    • ตั๋วเมืองก็หาย ค่าวไยก็ซ้อย กะโลงก็จ้อย ตึงมวล
    • ที่ยกมานี้มีวัฒนธรรมทางภาษาอยู่ 3 อย่างใช่ไหมคะ

    P.
    สรีสวัสดิ์ครับคุณครูคิม

    • คนล้านนาสมัยนี้ นับว่าเข้าใจในเรื่องนี้ แต่ยังขาดความใฝ่ใจ
    • ใฝ่ใจที่จะแสวงหาอรรถรสและประโยชน์แห่งวรรณกรรมอันเป็นภูมิปัญญานี้
    • ชมรมนักอนุรักษ์วรรณกรรมเหล่านี้มี แต่เคลื่อนไหวกันในวงแคบๆ ครับ
    • ถูกต้องครับ วัฒนธรรมทางภาษา 3 อย่าง ตั๋วเมือง(อักษรล้านนา) ค่าว และกะโลง(โคลง)
    • ฝากค่าวตอบคุณครูคิม หน่อย
    • ยินดีรับรู้ คุณครูคิมขา จะกลับเข้ามา กี่คราก็ได้
      ล้านนาสมัย เข้าใจ๋ค่าวไจ้ แต่ขาดซึ้งใน ธุระ
      ชมรมหนาหนำ ทำทำละละ หาแก่นอรรถะ บ่ครัน
      กะโลงโคลงฟื้น ตัวเมืองคืนหัน ค่าวกลับมานันท์ สมฝันแล้วเจ้า สมฝันแล้วเจ้า.
    • ขอให้โชคดีมีความสุขตลอดไปนะครับ
    • พ่อครูทนันเจ้า..

    ยินดีเจ้นล้ำ    ฟังกำป้อจ๋าร    หัดฮื้อเขียนจาร    ในลานความฮู้

    ป้อจ้วยแก้ไข    ใส่ใจ๋ฮื้ออู้    ศิษย์ฟังกำครู    ฉะนี้

    ทุกสิ่งตี้สอน    ล่ะอ่อนคนนี้    มาเฮ่งมาจี้    ใส่ใจ

    ศิษย์ขอน้อมฮับ    กลับมาแก้ไข    วรรณยุกต์ใด    ใส่ใจ๋แห๋มหน้อย  ใส่ใจ๋แห๋มหน้อย

    แวะมาสวัสดีตอนเช้าจ้า..ขอให้มีความสุขกับการทำงานนะคะ

    P.
    สรีสวัสดิ์ศิษย์หน่อย เนปาลี 

    • เฮ้!!!...เนปาลีรู้แล้ว เนปาลีรู้แล้ว เนปาลีรู้แล้ว
    • ครูจะปรับให้ดูดีขึ้นนะ 
      1. ยินดีเจ้นล้ำ ฟังกำป้อจ๋าร หัดหื้อเขียนจาร เข็นหลานหื้อสู้ (ในลานความฮู้)
      2. ป้อจ้วยแก้ไข ใส่ใจ๋หื้ออู้ ศิษย์ฟังกำครู บอกจี๊ (ฉะนี้)
      3. ทุกสิ่งตี้สอน ล่ะอ่อนคนนี้ มาเฮ่งมาจี้ ใส่ใจ
      4. ศิษย์ขอน้อมฮับ กลับมาแก้ไข วรรณยุกต์ใด ใส่ใจ๋แหมหน้อย ใส่ใจ๋แหมหน้อย.
    • ข้อสังเกตุ
      เปลี่ยน ฮู้ เป็น สู้ เพราะต้องการเสียงโท แต่ต้องเปลี่ยนทั้งวรรค ให้ได้ความ
      เปลี่ยน ฉะนี้ เป็น บอกจี๊ เพราะไม่ต้องการให้ นี้(ฉะนี้) ซ้ำกับ นี้(คนนี้) ที่สัมผัสถัดไป (อันที่จริงก็ไม่บังคับ แต่หากเลือกได้ก็เลือก)
      - แหม เป็นเสียงจัตวาอยู่แล้ว ไม่ต้องใส่จัตวาอีก 
    • ไชโย ๆ ๆ  ขอดูอีกสักบทนะศิษย์หน้อย
    • จับเอาบรรคที่ 4 มาเป็นบรรดทัดที่ 1
      1. ศิษย์ขอน้อมฮับ กลับมาแก้ไข วรรณยุกต์ใด ใส่ใจ๋แหมหน้อย (โยงสัมผัสไปบรรทัดที่ 2)
      2. 0000 0000 0000 00  (ตรง 0 ต้องเสียงโท สัมผัสเสียงกับ "หน้อย"
      3. 0000 0000 0000 00
      4. 0000 0000 0000 0000.
    • ไชโย ๆ ๆ ๆ  คนแรกนะเนี้ยที่ฝึกหัดกันทางอินเตอร์เน็ต
    • ขอให้โชคดีมีความสุขตลอดไปนะครับ

    P.
    สรีสวัสดิ์ครับ ศน. add

    • ขอบคุณมากที่แวะมาเยี่ยมแต่เช้าครับ
    • ครับ ขอให้ท่านเป็นสุข สนุกกับการทำงาน เช่นกัน
    • ขอติดตอบเป็นบทค่าวไว้ก่อนนะ พอดีจะรีบไปส่งพระไปทำกิจของสงฆ์
    • ขอให้โชคดีมีความสุขตลอดไปนะครับ
    • สวัสดีเจ้า พ่อครูทนัน..

    ดีใจ๋แต๊ดีใจ๋ว่าตี้ในที่สุดก็แต่งได้ดีกว่าบทก่อนๆ    แล้วการบ้านจะส่งพรุ่งนี้เน้อเจ้า (พรุ่งนี้เจ้านายบ่อยู่..ดูต้างแหมน่อย)   วันนี้อากาศหนาว..สมองบ่แล่น  อิอิ  

    ขอกราบขอบพระคุณเน้อเจ้าตี้จ้วยเข็น จ้วยสอน  ฮื้อแต่งค่าวได้ขนาดนี้   ทั้งๆ ตี้บ่เกยกึ๊ดมาก่อนว่าจะแต่งได้    ทั้งนี้..เพราะได้ "ครูดี" เจ้า   ^^

    ขอมาเชียร์ๆ น้องจ๊ะเนปาลี (ให้เดินหน้า) ก่อนค่ะ แต่งค่าวแต่งแล้วอ่านม่วนเน้าะ มีเสียงสูงๆ ต่ำ ๆ เป็นเสียดนตรี ดีจังเลยค่ะ

    • พ่อครูเจ้า..

    พี่คนนี้  >> P   บ่ยอมส่งการบ้าน อิอิ 

    • พ่อครูเจ้า..

    ศิษย์น้อยน้อมฮับ    กลับมาแก้ไข    วรรณยุกต์ใด    ใส่ใจ๋สักหน้อย

    ขอขอบพระคุณ    ตี้หนุนค่าวจ้อย    บ่ฮื้อขาดลอย    ฉะนี้

    ป้อเสียเวลา    แวะมาอู้จี๊    ฮื้อเขียนจะอี้    เป๋นใด

    สิบนิ้วน้อมนบ    เคารพจากใจ๋    มีปัญหาใด    ป้อไขฮื้อแล้ว

    • สวัสดีค่ะ
    • ตามมาตามคำแนะนำชักชวนของน้องต้อมผู้น่ารัก
    • จะบอกว่า "ขอเวลาสัก 2 - 3 ชั่วโมง"
    • จะนั่งแปลภาษาค่ะ  (ใช้เวลาสักหน่อยเน๊าะ)
    • ขอให้มีความสุขนะคะ
    • ท่าน ผอ. คะ น้องจ๊ะเก่งจัง
    • ดาวลูกไก่ขอเวลาอีกสักหน้อยเน้อเจ๊า

    P.
    สรีสวัสดิ์อีกครั้งครับ ศน. add

    • ตั้งแต่เมื่อเจ๊า ข้าเจ้าได้ขอ ติดไว้ก่อนนอ ค่าวซอตอบถ้อย
      บัดนี้จึ่งมา ไขจ๋าค่าวสร้อย ต๋ามที่หื้อคอย บอกนัด
      เมื่อค่ำนี้นา กลับมาจากวัด อาบน้ำกิ๋นข้าว มารอ
      เปิดเน็ตบ่จ๊า เข้ามาเลยหนอ กลั๋วท่านศอ.นอ. มารออ่านถ้อย มารออ่านถ้อย.
    • ขอให้โชคดีมีความสุขตลอดไปนะครับ

    มาแก้ใหม่เจ้าๆๆ

     

    • พ่อครูเจ้า..

    ศิษย์น้อยน้อมฮับ    กลับมาแก้ไข    วรรณยุกต์ใด    ใส่ใจ๋สักหน้อย

    ขอขอบพระคุณ    ตี้หนุนค่าวจ้อย    บ่ฮื้อขาดลอย    ฉะนี้

    ป้อเสียเวลา    แวะมาอู้จี๊    ฮื้อเขียนจะอี้    เป๋นใด

    สิบนิ้วน้อมนบ    เคารพจากใจ๋    มีปัญหาใด    ป้อไขฮื้อเสี้ยง

    P.
    สรีสวัสดิ์ศิษย์น้อย เนปาลี

    • ดีใจมากเลย เข้ามาขอเวลาในช่วงบ่าย พอค่ำก็ส่งการบ้าน เยี่ยม
    • ขอยกค่าวของต้อมมาวาง ดังนี้
      1. ศิษย์น้อยน้อมฮับ กลับมาแก้ไข วรรณยุกต์ใด ใส่ใจ๋สักหน้อย
      2. ขอขอบพระคุณ ตี้หนุนค่าวจ้อย บ่ฮื้อขาดลอย ฉะนี้
      3. ป้อเสียเวลา แวะมาอู้จี๊ ฮื้อเขียนจะอี้ เป๋นใด
      4. สิบนิ้วน้อมนบ เคารพจากใจ๋ มีปัญหาใด ป้อไขฮื้อเสี้ยง
    • ถูกต้องแล้วครับ
    • ข้อสังเกต
      -  คำว่า ฮื้อ น่าจะเป็น หื้อ เพราะ ฮื้อ = ฮื้อ(ผ้า) = เลิก(ผ้า) / หื้อ = ให้
      -  หื้อเสี้ยง, หื้อแจ้ง, บอกหื้อ, เป็นต้น
    • ถ้าจะให้สละสลวย ก็พอมีนะ ดังนี้
      ตี้หนุนค่าวจ้อย เป็น ตี้หนุนค่าวสร้อย  /  แวะมาอู้จี๊ เป็น มาอู้มาจี๊
    • ไชโย ไชยะ ไชยชนะเป็นของศิษย์ต้อม
    • เอ้า ยกบรรทัดที่ 4 มาเป็นบรรทัดที่ 1 ต่อ 2 - 3 - 4  ส่งมาให้ดูอีกบทนะ เบื่อหรือยัง
      1. สิบนิ้วน้อมนบ เคารพจากใจ๋ มีปัญหาใด ป้อไขหื้อเสี้ยง
      2. 0 0 0 0   0 0 0 0   0 0 0 0   0 0
      3. 0 0 0 0   0 0 0 0   0 0 0 0   0 0
      4. 0 0 0 0   0 0 0 0   0 0 0 0   0 0 0 0
    • ขอให้โชคดีมีความสุขตลอดไปครับ

    P.
    สรีสวัสดิ์ครับ ดาวลูกไก่ ชื่นชมยินดี

    • ศิษย์ต้อมฟ้องซ้าว ดาวลูกไก่หนี ชื่นชมยินดี ตี้ปิ๊กมาอู้
      ตี้ขอเวลา และว่าจะสู้ ขะไจ๋เน้อครู รอรับ
      สักบทเนอรา ส่งมาเต๊อะครับ ขยับกำหน้อย ค่อยไป
      เมื่อเริ่มหนึ่งแล้ว สองแคล้วไปไหน สามสี่ห้าไป สุดท้ายเก่งถ้อย.
    • ขอหื้อโชคดีมีความสุขตลอดไปเน้อครับ

    P.
    สวัสดีครับคุณครู ♥< lovefull >♥

    • ยินดีที่รู้ ว่าครูมาหา เพราะต้อมไปพา ครูมาที่นี่
      อย่าว่าต้อมหลาน เจ้าการเจ้ากี้ เพราะต้อมเขามี พันธะ
      ต้อมกำลังเรียน เพียรไม่ลดละ แต่งวัจจนะ ค่าวซอ
      คุณครูเล่าไซร้ สนใจไหมหนอ ถ้าสนอย่ารอ ผมพอช่วยได้ ผมพอช่วยได้.
    • เห็นไหมครับ ใช้ภาษาไทยกลางแต่งตามผังค่าวชาวเหนือ ก็ไปได้สวยครับ
    • แต่ถ้าอ่านเป็นสำเนียงเหนือจะได้อรรถรสอีกแบบ ดังนี้
      ยินดีตี้ฮู้ ว่าครูมาหา เพราะต้อมไปปา ครูมาตี้หนี้
      อย่าว่าต้อมหลาน เจ้าก๋ารเจ้ากี้ เพราะต้อมเขามี พันธะ
      ต้อมก่ำลังเฮียน เปียรบ่ลดละ แต่งวัจจนะ ค่าวซอ
      คุณครูเล่าไซร้ สนใจ๋ไหมหนอ ถ้าสนอย่ารอ ผมปอจ้วยได้ ผมปอจ้วยได้.
    • ชาวเหนือแต่งค่าว มักจะเอาภาษาพูดมาเป็นภาษาเขียนครับ
    • ขอให้โชคดีมีความสุขตลอดไปนะครับ
    • สวัสดีค่ะ
    • เข้ามาเรียนรู้อีกรอบค่ะ
    • ขอบคุณมาที่แต่งแบบไทยได้เรียนรู้ภาษาเพิ่มเติม
    • ไปเหนือมาบ่อยเหมือนกัน
    • พอฟังออกค่ะ มีเพียงบางคำที่ไม่เข้าใจ
    • ขอให้มีความสุขนะคะ
    • ธุ  พ่อครูเจ้า..

    ตอนเช้าๆ เข้ามาดูก่อฮู้ว่าได้รับการบ้านอีกแล้ว  อิอิ  รับทราบนะเจ้า แต่รีบเข้าไปทำธุระในเมือง     ตอนนี๋กลับมาแล้ว..แต่ขอแปะการบ้านไว้ก่อนเน้อเจ้า    พรุ่งนี้..มาส่งแน่นอน  ^^   ตอนนี้ขอปั่นก๋ารปั่นงานก่อเน้อเจ้า

    P.
    สรีสวัสดิ์ครับ ♥< lovefull >♥

    • แอบตั้งใจลุ้น lovefullอีกหน มาเรียนอีกคน ฝึกฝนค่าวสร้อย
      มาอ่านมาเขียน มาเรียนแต่งถ้อย ตามรีตตามรอย เก่าฟื้น
      มาช่วยเสกสรรค์ ให้มันคึกครื้น ฟื้นแผ่วงกว้าง ออกไป
      แวะมาเถอะครับ มาขับขานไข ค่าวแบบไทยไทย สมัยใหม่เจ้า
    • ขอให้โชคดีมีความสุขตลอดไปนะครับ
    • พ่อครูเจ้า..

    สิบนิ้วน้อมนบ    เคารพจากใจ๋    มีปัญหาใด    ป้อไขหื้อเสี้ยง

    ตั้งใจเฮียนฮู้    เผื่อครูจะเลี้ยง    วันใดเข้าเวียง    ฉะนี้

    ก่อเป๋นพระคุณ    ตี้หนุนตี้จี๊    ล่ะอ่อนคนนี้    ซึ้งใจ

    ท่องทุกค่ำเจ๊า    ผังค่าวเป๋นใด    บ่ยากเกินไป    เขียนได้แล้วเน้อ  เขียนได้แล้วเน้อ

    P.
    สรีสวัสดิ์ครับศิษย์หน้อย เนปาลี

    • ต้อมมาสาธุ ป้อครูเจ้าขา แล้วก็เลยลา ไปก๋ารว่าอั้น
      เข้าไปในเมือง เรื่องธุระหั้น ไปได้เกิ่งวัน ก็ปิ๊ก
      ปั่นก๋ารบ่ถอย เหื่อย้อยซิกซิก หงิกแน่ศิษย์ต้อม ผอมลง
      ญะก๋ารก่อนเน้อ อย่าเผลอลืมหลง ส่วนค่าวนั้นคง ว่างลงค่อยแต้ม
    • ขอหื้อโชคดีมีความสุขตลอดไปเน้อครับ
    • พ่อครูเจ้า..

    ต้อมมาส่งการบ้านแล้วนา  ทำไมบ่เห็น  ฮือๆๆ   มาถึงบ้านปุ๊บ..ฟั่งแต่งปั๊บเลยเน้อเจ้า   จะส่งพรุ่งนี้ก่อกลั๋วว่าจะจ๊าไป   เลยรีบเอามาส่งเมื่อค่ำเมื่อคืน

    เอาแห๋มกำ   กลั๋วพ่อครูบ่ตันได้หัน..

     

    • พ่อครูเจ้า..

    สิบนิ้วน้อมนบ    เคารพจากใจ๋    มีปัญหาใด    ป้อไขหื้อเสี้ยง

    ตั้งใจเฮียนฮู้    เผื่อครูจะเลี้ยง    วันใดเข้าเวียง    ฉะนี้

    ก่อเป๋นพระคุณ    ตี้หนุนตี้จี๊    ล่ะอ่อนคนนี้    ซึ้งใจ

    ท่องทุกค่ำเจ๊า    ผังค่าวเป๋นใด    บ่ยากเกินไป    เขียนได้แล้วเน้อ  เขียนได้แล้วเน้อ

     

    P.
    สรีสวัสดิ์ครับศิษย์หน้อย เนปาลี

    • โพสต์ช้าไป 4 นาที เนปาลีเข้ามาก่อน ไม่เป็นไร ว่ากันต่อ
    • ยกค่าวของต้อมมาตั้ง
      1. สิบนิ้วน้อมนบ เคารพจากใจ๋ มีปัญหาใด ป้อไขหื้อเสี้ยง
          บรรทัดนี้ ผ่าน
      2. ตั้งใจ๋เฮียนฮู้ เผื่อครูจะเลี้ยง วันใดเข้าเวียง ฉะนี้
          ฮู้ รูปโท-เสียงตรี ตรงนี้ต้องลงจัตวาหรือสามัญ
          เลี้ยง รูปโท-เสียงตรี ตรงนี้ตี้งลงเสียงโท
      3. ก่อเป๋นพระคุณ ตี้หนุนตี้จี๊ ล่ะอ่อนคนนี้ ซึ้งใจ
          นี้ รูปโท-เสียงตรี ตรงนี้ต้องลงเสียงโท
      4. ท่องทุกค่ำเจ๊า ผังค่าวเป๋นใด บ่ยากเกินไป เขียนได้แล้วเน้อ
          ใด เสียงสามัญ ตรงนี้ต้องลงจัตวา
          เน้อ รูปโท-เสียงตรี ตรงนี้ต้องลงเสียงโท
    • เอ้า ลองอีกทีเนปาลีศิษย์หน้อย
    • ขอหื้อมีก่ำลังใจ๋และมีความอดทนนักๆ เน้อครับ
    • พ่อครูเจ้า..

    สงสัยว่าต้อมจะมีปัญหาตรงไล่เสียงล่ะเน้อ   แบบว่ากางนิ้ว และเขียนบนกระดาษกันเลยทีเดียว    แต่ก็ยังเพี้ยนๆ อยู่ดี  อย่างเช่น "เน้อ"  ก่อกึ๊ดว่าเป็น "โท" แล้วนะก่าเจ้า

     

    P.
    สรีสวัสดิ์ศิษย์หน้อย เนปาลี

    • อักษรกลาง มี ก จ ด ต ฎ ฏ บ ป อ
      คำเป็น ผันได้ 5 เสียง เช่น กา ก่า ก้า ก๊า ก๋า
      คำตาย ผันได้ 4 เสียง เช่น     ก่ะ ก้ะ ก๊ะ ก๋ะ
    • อักษรสูง มี ฉ ฝ ห ศ ษ ฐ ส ผ ถ ข ฃ
      คำเป็น ผันได้ 3 เสียง เช่น ข่า ข้า ขา
      คำตาย ผันได้ 2 เสียง เช่น ขะ(รูปสามัญ-เสียงเอก) ข้ะ
    • อักษรต่ำ มี 2 ประเภท
      ต่ำเดี่ยว มี ง ญ น ย ณ ร ว ม ฬ ล
      ต่ำคู่ มี ค ฅ ฆ ช ฌ ฑ ฒ ท ธ พ ฟ ภ ซ ฮ
      คำเป็น ผันได้ 3 เสียง เช่น
               คา(สามัญ), ค่า(รุปเอก-เสียงโท), ค้า(รูปโท-เสียงตรี)
      คำตายเสียงสั้น ผันได้ 3 เสียง เช่น
               ค่ะ(รูปเอก-เสียงโท), คะ(รูปสามัญ-เสียงตรี), ค๋ะ
      คำตายเสียงยาว ผันได้ 3 เสียง เช่น
               โนต(รูปสามัญ-เสียงโท), โน้ต(รูปโท-เสียงตรี), โน๋ต
    • ความพยายามอยู่ที่ไหน ความสำเร็จอยู่ที่นั่น

    ไพเราะมาก ๆ ค่ะ..เอ๊ย..เจ้า

    แต่ว่าเป็นคนภาคกลางแต๊เนาะ จะหัดได้อย่างไร..

     

    Pสวัสดีครับคุณหมอ ภูสุภา

    • ขอคุณนะครับ ที่แวะมาเยี่ยม และชมว่าไพเราะ
    • ค่าว จะมีฉัทลักษณ์บังคับทั้งสัมผัสและวรรณยุกต์
    • ทำให้ฟังแล้วไพเราะ รื่นหูและเสนาะเพราะพริ้ง คล้ายเสียงดนตรีสูง ต่ำ
    • ใช้ภาษาไทยกลางแต่ง ก็แต่งได้ โดยใช้ผังค่าว
    • หากอยากจะลองศึกษาดู ก็ด้วยความยินดครับ
    • ขอให้โชคดีมีความสุขตลอดไปนะครับ

    • ยินดีเจ้นล้ำ(ตรี) หันคำศิษย์จ๋าร(จัตวา) ค่าวลงกระดาน(สามัญ) คำขานหนูต้อม(โท)
      ได้กระตำเปียร(สามัญ/จัตวา) หัดเขียนค่าวก้อม(โท) แล้วส่งมาฮอม(สามัญ) ตั๊ดนี้(ตรี)
      เปื้อหื้อป้อครู(สามัญ/จัตวา) มาอู้มาจี๊(ตรี) ว่าเขียนจะอี้(โท) เป๋นใด(สามัญ)
      เกือบดีแล้วครับ(ตรี) จับมาขานไข(จัตวา) วรรณยุกต์ใด(สามัญ) ใส่ใจ๋สักหน้อย(โท)

    ขอเรียนด้วยเน้อ    อย่าเพ่อว่าขาน   "ค่าวหลง"ตรวจทาน  สัญญาณฝึกถ้อย

    ติดขัดสำเนียง   เพี้ยนเสียงเบาค่อย   หาญกล้ามาจอย จั๊กกะจี๊

    หลงคำเสน่หา  ภาษาค่าวนี้ มือใหม่ว่าที่  ตลกจะใด

    ติติงสอนรับ  ขับขานเสียงใส  ผิดถูกที่ไร  ครูได้ชี้แจ้ง

    ส่งการบ้าน หัดหน้าจอ ค่ะ

    ขอบคุณค่ะ

    ไปทำงานก่อนแล้ว

     

    Pสรีสวัสดิ์ครับคุณหมอ ภูสุภา

    • เยี่ยมยทธจริงๆ ครับคุณหมอ
    • ยกค่าวของคุณหมอมาลง
      1. ขอเรียนด้วยเน้อ อย่าเพ่อว่าขาน "ค่าวหลง"ตรวจทาน สัญญาณฝึกถ้อย
      2. ติดขัดสำเนียง เพี้ยนเสียงเบาค่อย หาญกล้ามาจอย จั๊กกะจี๊
      3. หลงคำเสน่หา ภาษาค่าวนี้ มือใหม่ว่าที่ ตลกจะใด
      4. ติติงสอนรับ ขับขานเสียงใส ผิดถูกที่ไร ครูได้ชี้แจ้ง
    • ได้ทั้งสัมผัสและวรรณยุกต์ หากอ่านออกสำเนียงเหนือจะได้อรรถรสเลยครับ
    • วรรคท้ายบรรทัดที่ 2 และ 3 ถ้าทำให้เป็น 2 พยางค์ จะดีมากครับ
      หรือถ้าเป็น 3 พยางค์ ก็ให้เป็นรัสสะสระ เช่น จั๊กกะจี้ เป็น จั๊กจี๊ / ตลกจะได เป็น ตลกใด หรือ กวีใด หรือ กวีไชย เป็นต้น
    • แต่งบทต่อไปเลยนะ โดยเอาบรรทัดที่ 4 มาตั้งเป็นบรรทัดที่ 1
      ติติงสอนรับ ขับขานเสียงใส ผิดถูกที่ไร ครูได้ชี้แจ้ง
      0 0 0 0   0 0 0 0   0 0 0 0   0 0
      0 0 0 0   0 0 0 0   0 0 0 0   0 0
      0 0 0 0   0 0 0 0   0 0 0 0   0 0 0 0
    • ขอให้โชคดีมีความสุขตลอดไปครับ

    1. ขอเรียนด้วยเน้อ อย่าเพ่อว่าขาน "ค่าวหลง"ตรวจทาน สัญญาณฝึกถ้อย
    2. ติดขัดสำเนียง เพี้ยนเสียงเบาค่อย หาญกล้ามาจอย จั๊กจี๊
    3. หลงคำเสน่หา ภาษาค่าวนี้ มือใหม่ว่าที่ ตลกใด
    4.  ติติงสอนรับ ขับขานเสียงใส ผิดถูกที่ไร ครูได้ชี้แจ้ง

    ********          ***********         ********

    ติติงสอนรับ ขับขานเสียงใส ผิดถูกที่ไร ครูได้ชี้แจ้ง

    ยินยลคำแถลง กำแหงเขียนเพิ่ม ฝึกหัดเสริมเติม เรียนรู้

    จังหวะดนตรี ดีดสีหวังฮู้ จึงไม่ขออู้ เร็วไว

    ส่งงานมาปั๊บ ผิดจับแก้ไข ถูกต้องเมื่อไร ภูมิใจหลายเจ้า

    ...ส่งการบ้านค่ะ..

     

    Pสรีสวัสดิ์ครับคุณหมอ ภูสุภา

    • ส่งมาก็ตรวจให้ด้วยความยินดีครับ
    • ยกค่าวมาวาง
      1. ติติงสอนรับ ขับขานเสียงใส ผิดถูกที่ไร ครูได้ชี้แจ้ง
      2. ยินยลคำแถลง กำแหงเขียนเพิ่ม(แถ้ง) ฝึกหัดเสริมเติม(แรง) เรียนรู้
      3. จังหวะดนตรี ดีดสีหวังฮู้ จึงไม่ขออู้ เร็วไว
      4. ส่งงานมาปั๊บ ผิดจับแก้ไข ถูกต้องเมื่อไร ภูมิใจหลายเจ้า
    • ข้อสังเกตุ
      1. แจ้ง กับ เพิ่ม สองคำนี้ต้องพ้องเสียง และเป็นเสียงโท
          จึงแก้ เพิ่ม เป็น แถ้ง ซึ่งแถ้งแปลว่าเพิ่ม
      2. เมื่อเปลี่ยน เพิ่ม เป็น แถ้ง จึงต้องเปลี่ยน เติม เป็น แรง ให้สัมผัสเสียงกันกับ แถ้ง
      3. ยินยลคำแถลง" ปรับเป็นสี่พยางค์จะรื่นกว่า "ยลคำแถลง"
    • เขียนใหม่ได้ดังนี้
      ติติงสอนรับ ขับขานเสียงใส ผิดถูกที่ไร ครูได้ชี้แจ้ง
      ยลคำแถลง กำแหงเขียนแถ้ง ฝึกหัดเสริมแรง เรียนรู้
      จังหวะดนตรี ดีดสีหวังฮู้ จึงไม่ขออู้ เร็วไว
      ส่งงานมาปั๊บ ผิดจับแก้ไข ถูกต้องเมื่อไร ภูมิใจหลายเจ้า
    • สุดยอดจริงๆ
    • เอาทำการบ้านต่อ
      ส่งงานมาปั๊บ ผิดจับแก้ไข ถูกต้องเมื่อไร ภูมิใจหลายเจ้า
      0000  000ท  000ส 0ต
      0000  000ต  000ท 0ส
      000ต  000จ  000ส 000ท
    • สังเกตเพิ่มเติม
      0  =  เสียงสามัญ/จัตวา ก็ได้
      ส  =  เสียงสามัญ
      ท  =  เสียงโท
      ต  =  เสียงตรี
      จ  =  จัตวา
    • ขอให้โชคดีมีความสุขตลอดไปนะครับ

    ผ่อมาหลายครั้ง ใจ๋ตั้งอยากไข ออกตั๋วฮื้อไว ตี้ใจ๋เกยอู้

    บ่าเด่วสำนึก  ทึกทักใจ๋สู้ ไหว้สาขอครู จ่วยน้อย

    ตรวจคำค่าวจ๋า ถาษากำคล้อย ของผ๋มบ่าวน่อย เมืองพิงค์

    โปรดอย่าว่ากร้าน ตรวจทานดีจิ๋ง ใจ๋ขอบคุณจริง ยิ๊นดีเน่อครับ ยิ๊นดีเน่อครับ

     

    ท่านสุรกิจ ลิขิตภาษา ไว้เมินแล้วนา กุมภาที่หั้น
    สองสี่ห้าสี่ ปี๋ก่อนว่าอั้น ข้าน้อยบ่ทัน ตอบไซร้
    ยกโทษโทษา เนอราพี่ไท้ ข้าขอบน้อมไหว้ สูมา
    อันเทพนากิจ ลิขิตภาษา เป๋นค่าวล้านนา นับว่าใช้ได้.

    พบปัญหาการใช้งานกรุณาแจ้ง LINE ID @gotoknow
    ClassStart
    ระบบจัดการการเรียนการสอนผ่านอินเทอร์เน็ต
    ทั้งเว็บทั้งแอปใช้งานฟรี
    ClassStart Books
    โครงการหนังสือจากคลาสสตาร์ท