โลกทัศน์ฮักแพง...เบิ่งแยงวรรณกรรมพื้นบ้าน
วรรณกรรมพื้นบ้านลุ่มน้ำโขง
เรื่อง “ ขูลู-นางอั้ว”(ความรักที่ไม่สมหวัง)
..............................................
ฟังครูลำhttp://gotoknow.org/file/cruroj/view/447422
โอ...โอ...โอย ฟ้าเอ๋ยฟ้าฮ้องท่วม
ความสัมพันธ์ให้หมั่นแก่น
ความฮักแพงต้องแบ่งให้...
กับไผเจ้า........อย่าได้แพง...เอย
ละเพิ่นว่า,ความฮักเอ๊ยยังบ่ทันได้ฝั่น
ความฝันผั่นมาเกี่ยว
ความมักความฮักเอ๊ยยังบ่ทันได้เกี้ยว
ผั่นมาฝั่นนั่นก่อนฝัน
อันว่าความฮักนั่นบ่เลือกเพศวรรณะ
อยู่นำใจไผมันแบ่งปันกันได้
คราวที่ฟังคนเฒ่าเอานิทานมาเว้าสู่
ความฮักมามืดกุ้มกุมไว้กะบ่ฟัง
(ความรักทำให้ตาบอด)
- พ่อแม่ ฮักลูกเต้าเขาฮักตอบคือกัน
- ฮักสัมพันธ์ ผัวเมีย กะแบ่งปันกันไว้
- ศิษย์กับครู อีดูแท้ทั้งสงสารฮักฮ่อ
- หัวหน้า ฮักลูกน้องมีมื้อเปลี่ยนแปลง
- หนุ่มสาว ถึกกลั่นแกล้งความฮักหักสลาย
บางคนตายนำความฮักข่าวคาวเห็นแล้ว
ฆ่ากันตายกะเคยพ้อฆ่าโตตายให้คนซา
ฮักบ่สมปรารถนาเคยเห็นแล้วพี่น้อง
คองคอยถ้าแต่สิตาย...
จั่งว่าความฮักนี่แม่นสิอยู่ฟากฟ้าข้ามเขตเขาเขียว
เสมือนนอนในหอแห่งเดียวกันแท้
.....ในนิทานได้ยินบ้อ ขูลูกับอั้วเคี่ยม
เทียมจังบุญคาดไว้หมายสร้างฮ่วมกัน
แม่สองฝ่ายกีดกั้นจนไหวหวั่นใจจิต
บ่ให้มีเวลาเว้าจากันได้
แม่เที่ยวไปคอยต้อนแลงงายป้อยด่า
หาโอกาสบ่ได้ไปเว้าต่อกัน
อั้วเคียมนั่นเลยไปผูกคอแขน
กะเลยมรณาอยู่ง่าจวงจันทร์ต้น
บ่ทันดนนานมื้อขูลูฮู้ข่าว
ตัดสินใจฝั่งฟ้าวให้ตายพ้อมพ้ำกัน
อั้วเคียมน้องตายย้อนผูกคอแขน
ส่วนขูลูได้มีดแทงคอตายมอดชีวายดอมอั้ว
ความฮักมัวทำให้คนเฮาได้ตาบอด
ขอดให้มีบ่อนแก้...เล็งแลให้เผื่อผู้คน
ละผู้ที่ทุกข์ยากไฮ้ในโลกกะยังหลาย
ฮักสืบสานไมตรีหมื่นปีบ่ไลล้าง
อย่าเป็นคือนิทานเค้า ขูลูกับอั้วเคียม
ละซอยซูความฮักไว้ ...
เด้อเจ้าผู้ฮักแพง.ละนา
www.cruroj.com
ความเห็น (14)
กุหลาบแพง
เอาหัวใจมาให้นะคะ
จุฟค่ะ
แวะมาฟังลำครับ ชุดลูกเสือเหมือนกันเลย ขอบคุณหลายๆ เด้อ
สวัสดีครับ
เรื่องเศร้าๆ
สังมามวนแท้ ออนซอนเด้
คืนค่ำค้อย ว่าวลอยลมบน
โยงต่อไว้ หางเจ้าล่องยาว
มีทังจุฬาป้อง เจี้ยสากาวตาบ
มัดสนูใส่ไว้ ส่งเสียงฮ่ำฮ้อง
เดิกมาแล้ว ลมล่างบ่ตีง
เสียงสนูสวดแว้ว ดือดื้อดื่อดึง
ดึงดื่อดื้อ ยินบ่แถนพ่อ
เหมิดระดูข้าวแล้ว อย่าเทฝนลงพื้น
สาวนางเอ้ย ได้ยินแล้วบ่
สนูเอิ้นเฮียกเจ้า ค่ำเซ้าบ่เซา แท้แล้ว
...ขอบคุณ"หัวใจ"จะผูกไว้ด้วย "สายแนน"
มีความสุขสมหวังนะคะน้องสาว...
สวัสดีค่ะท่านผอ."คึดว่าเสียงลำสิ้น มนต์ขลังคนฟังลำบ่มาผ่าย
...ขอบคุณหลายยามทีอ้ายมาเยี่ยมย่องยาม...แท้แล้ว"
มีความสุขนะค่ะ
สวัสดีค่ะ-เพิ่นผู้ฮักใน "คำเขียน คำแปล"
-เพิ่นผู้ฮักใน "ศาสตร์ และศิลป์"
เฮาแอบไปอ่านเสมอๆแต่มิเผลอให้ใครเจอ...
อย่ามีเรื่องเศร้าๆนะคะคนเก่ง
...ได้ยินเสียงสะนูอ้ายดังมาวีวอน
ออนซอนเสียงสั่งให้นางน้องซืนใจ
สายสะนูของอ้ายเทียม"สายแนน"แถนบ่?...
ขอให้ฮักต่อตั้งสิเขียนให้อ่านบ่เซา...ดอกนา
ดีจังที่มีผู้สืบสานวรรณกรรมพื้นบ้าน...มีความสุขนะคะ
ความฮักจากแดนไกล (เลบานอน)...ไกลห่างจากบ้านเฮือนเฮา
คาลิล ยิบราน (Kahlil Gibran) นักเขียนและกวีชาวเลบานอน ผู้มีชื่อเสียงกระฉ่อนโลก กล่าวถึงความรักด้วยภาษางดงามสุดซึ้งไว้ในหนังสือ The Prophet หรือ "ปรัชญาชีวิต" ที่แปลโดย
อ.ระวี ภาวิไล ว่า
....ถ้าความรักพบว่า เธอมีคุณค่าพอแล้ว
ก็จะเป็นผู้นำแนวทางของเธอเอง
ความรักไม่มีปรารถนาสิ่งอื่นใด
นอกจากที่จะทำตนเองให้สมบูรณ์
แต่ถ้าหากเธอรัก และจำต้องมีความปรารถนา
... ก็ขอให้ความปรารถนาของเธอจงเป็นดังนี้
เพื่อจะละลายและไหลดังธารน้ำ
ซึ่งส่งเสียงเพลงกล่อมราตรี
เพื่อจะเรียนรู้ความปวดร้าว
อันเกิดแต่ความอ่อนโยน ละมุนละไมเกินไป
เพื่อจะต้องบาดเจ็บ ด้วยความเข้าใจ
ในความรักของตนเอง
และเพื่อจะยอมให้เลือดหลั่งไหล
ด้วยความเต็มใจและปราโมทย์
เพื่อจะตื่นขึ้น ณ รุ่งอรุณด้วยดวงใจอันปิติ
และขอบคุณความรักอีกวันหนึ่ง
เพื่อจะหยุดพัก ณ ยามเที่ยง และเพ่งพินิจความสุข
ซาบซึ้งของความรัก เพื่อจะกลับบ้าน
ณ ยามพลบค่ำ ด้วยความรู้สึกสำนึกคุณ
และเพื่อจะหลับไปพร้อมกับคำสวดมนต์ภาวนา
สำหรับคนรักในดวงใจ
และเพลงสรรเสริญบนริมฝีปากของเธอ ...
แม่เฒ่านี เก่งหลาย ผญากะได้ ลำกะเก่งเป็นกลอน ออนซอนหลายเด้อครับ แม่ครูผู้ดีล้ำ
ขอบคุณค่ะ...น้องบ่เก่งดอกอ้ายแต่ใจนางหากซมซืน
ศิลปพื้นบ้านของเค้าเก่าหลัง
จังได้คึดต่อตั้งหวังเพิ่ง G2K.ให้เป็นสื่อ
สืบสานศิลป์พื้นบ้านอีสานให้ฮุ่งเฮือง...อ้ายเอ้ย.
เย็นสบายดุจสายลมหนาวนะคะ
คุณครู เก่งจริงๆคะที่สืบสานวรรณกรรมพื้นบ้านอิสานไว้ ขอยืมกลอนลำหน่อยนะคะ
แล้วทำไมไม่แสดงตนเป็นกระสือ"รึไงคะ...ยืมได้แต่ต้องคืนด้วย