ไหว้ครู

ยอมือสา วันตาท่านไท้ ข้าขอน้อมไหว้ ในครูอาจ๋ารย์
อันตั๋วข้านี้ ขอจี๊ไขขาน เถิงฮีตโบราณ ต๋ำนานแบบเบ้า
อันก๋ารไหว้ครู งามหรูบ่เศร้า เป๋นฮีตของเฮา เก่าจั๊น

ก๋ารจักฮ่ำเฮียน อ่านเขียนใดนั้น ศิลปะอั้น วิชชา
จักต้องยอไท้ ไหว้ครูสัตถา ปวารณา หื้อว่ากล่าวได้
นบด้วยหัวใจ๋ น้อมก๋ายเข้าไหว้ ฝากเป๋นศิษย์ใน ครูจั๊น

หญ้าแพรกดอกเข็ม ดอกบ่าเขือนั้น อย่าหื้อขาดอั้น เนอเฮา
แพรกจักขาดน้ำ แดดซ้ำมาเผา แพรกอดทนเอา เฮาก็เป๋นอั้น
ดอกเข็มเข็มแหลม แตงแนมสอดดั้น หมายหื้อเตียมตัน ปัญญะ

อันดอกบ่าเขือ เมื่อเถิงก๋าละ จักออกหน่วยอั้น คว่ำลง
หมายเอาเฮาไซร้ จักได้ผะสงค์ ต้องน้อมถ่อมองค์ ลงคนหื้อได้
หากศิษย์ตังหลาย ใส่ใจ๋ไจ้ไจ้ ทำตั๋วโดยนัย หมายจี้

จักได้เป๋นดี ในจีวิตนี้ ปราชญ์สอนจ้ะอี้ เมินมา
ก็แถมนั้นแหละ ขอแนะไว้หนา จักไหว้วันตา อย่างเดียวบ่ได้
บูชาเชิดชู คุณครูไจ้ไจ้ ทำได้สองตาง เน้อครับ

อามิสบูชา โภคาสินทรัพย์ สำรับกับข้าว ดอกเตียน
ยึดคำครูไท้ เทิดไว้เหนือเศียร เปียรกระตำไป ได้ดีฮอดเฒ่า
องค์พระพุทธา พระสัมมาเจ้า ทรงสรรเสริญเอา สองวัตร

เดือนมิถุนา บุราณาณัติ วันพฤหัส ไหว้ครู
ฮอดแล้ววันนี้ วันดีงามหรู ข้าขอกราบครู บูชาน้อมไหว้.
( กราบ )

[berger0123]

สวัสดีค่ะ คุณหนัน

กราบระลึกถึงคุณครูทุกท่านค่ะ

[ทนัน ภิวงศ์งาม]

 สวัสดีครับคุณ berger0123

• หนึ่งคือberger ศูนย์หนึ่งสองสาม นาฏน้องคนงาม มาทามฝากถ้อย
  มาสวัสดี แล้วหนีหายจ้อย เปิ้นบ่อยู่คอย ตอบตั๊ก
  มากราบคุณครู ด้วยความจงรัก ภักดีต่ออั้น คุณครู
  bergerโฉมพิศ ชีวิตสวยหรู ด้วยพระคุณครู ส่งยู้หื้อแจ้ง.
• ขอให้พระคุณของครูจงปกป้องคุ้มครองbergerตลอดไป

[berger0123]

• ตามมาขอบคุณค่ะ คุณลุงหนัน ที่แวะมาทักทายและมาเยี่ยมที่บล็อกค่ะ

[วอญ่า-ผู้เฒ่า-natachoei--]

สวัสดีครับอาจารย์ ทนัน มาขอใหว้ครูกับอาจารย์ครับ เป็นศิษย์มีครูครับท่าน

[ทนัน ภิวงศ์งาม]

 สวัสดีครับ berger0123

• มาแอ่วแถมครั้ง นาฏนางสมร bergerบังอร ย้อนมาแอ่วเล่น
  ยินดีเนอหลาน พงศ์พันธุ์ญาติเส้น ว่างว่างก็เบน มาแวะ
  มีหยังดีดี จงรี่มาแนะ มานำหื้ออ้าย ได้เลย
  เจิญบ่อยบ่อยเน้อ น้องbergerเหย เจิญต๋ามเสบย มาเลยมาอู้.
• โชคดีมีสุขตลอดไปนะครับ

[ทนัน ภิวงศ์งาม]

.
สวัสดีครับท่าน วอญ่า-ผู้เฒ่า-natachoei--

• ดีวันนี้ไซร้ ได้ยินกำหรู เป๋นศิษย์มีครู วอญ่า-ผู้เฒ่า
  หยังมาจับใจ๋ เนออ้ายปี้เจ้า ตึงเปิ้นตึงเฮา ครูพร้อม
  มีใผคนใด ใผไหนนอจ๊อม บ่มี๋ว่าอั้น ครูฦๅ
  ป้อแม่ม้อนม้อน ครูสอนหนังสือ แนะนำก๋ำตือ คือครูทั่วถ้วน.
• โจ้คดีมีความสุขตลอดไปเน้อครับ

[กิติยา เตชะวรรณวุฒิ]

สวัสดีเจ้า ผอ.อ้าย

*** แวะมาไหว้อ้าย...ในวันไหว้ครู

*** ขอหื้ออายุมั่นขวัญยืนเน้อเจ้า

[goody krub]

หวัดดีคับ คุณลุง ผอ..

กู๊ดดี้แวะมากราบสวัสดีคุณลุง ก่อนวันไหว้ครู (พรุ่งนี้) คับ..

"ขอให้คุณลุง มีสุขภาพแข็งแรง และมีคามสุขตลอดไปคับ"

กู๊ดดี้จะแวะมาชวนคุณลุง หากคุณลุงพอมีเวลา จะพาไปดูหนังสือของกู๊ดดี้คับ หากมีหนังสือที่คุณครูแนะนำได้ บอกกู๊ดดี้ด้วยนะคับ..

http://gotoknow.org/blog/goodymemory ขอบคุณคับ

[ศน.อ้วน]

น้อมกราบพ่อครูทนัน..ในเดือนมิถุนายน  เดือนระลึกถึงพระคุณครู..เจ้า

ป้อครูสบายดีนะเจ้า..

ศน.อ้วนเลยพ่านๆเจ้า

จะมาอู้มาฟู่กับป้อครู

ก่ฮ้อยกำค่าวกำเครือบ่แกว่นเจ้า..

เอามอกอ่านปอหื้อฮู้นะเจ้า

ช่วงนี้ฝนมานัก..ป้อครูฮักษาสุขภาพตวยนะเจ้า

ด้วยความเคารพฮักเสมอ..ศน.อ้วนเจ้า

[คิม นพวรรณ]

สวัสดีค่ะ

• ขอพิมพ์ออกไปอ่านข้างนอกก่อนนะคะ
• จะอ่านและแปลอย่างตั้งใจค่ะ
• ขอขขอบพระคุณมาก ๆ สำหรับวรรณกรรมทางภาษา
• เด็ก ๆทางเชียงใหม่..แม่ออนน่าจะภาคภูมิใจกับภูมิปัญญามากนะคะ

[ทนัน ภิวงศ์งาม]

 สวัสดีครับคุณครู กิติยา เตชะวรรณวุฒิ

• ครูกิติยา เตชะวรรณวุฒิ คุณครูน้องนุช เปิ้นเอ่ยวาจ๋า
  เปิ้นเข้ามาน้อม มาค้อมไหว้สา วันไหว้ครูบา แวะมาไหว้อ้าย
  แถมยังปั๋นปอน หื้อม่อนนี้ได้ มีอายุวัย ยืนยั้ง
  ขอกิติยา จำเริญบ่รั้ง ต๋ามที่ใจ๋ตั้ง ปราชญ์ธีร์
  หวังอันใดนั้น จงพลันเป๋นศรี สุขสบายดี ทีฆายุมั่น.

[Boo]

สรีสวัสดิ์กะเจ๊าป้อครู

ว่าแล้วหื้อสงสัยว่า มื้อนี้เป็นวันไหว้ครู เพราะเห็นเด็กน้อยถือดอกไม้กัน

มาอ่านค่าว ได้ความรู้ และม่วนค่ะ ...

...  หญ้าแพรกดอกเข็ม ดอกบ่าเขือนั้น อย่าหื้อขาดอั้น เนอเฮา
แพรกจักขาดน้ำ แดดซ้ำมาเผา แพรกอดทนเอา เฮาก็เป๋นอั้น
ดอกเข็มเข็มแหลม แตงแนมสอดดั้น หมายหื้อเตียมตัน ปัญญะ

...  หื้อพ่อครู สุขกายสบายใจนะเจ๊า

... คิดเติง บ้านรร. ล้านนา เจ๊า ...

 

[ทนัน ภิวงศ์งาม]

 สวัสดีครับหลาน goody krub

• ยินดียิ่งนัก หลานรักมาหา มากราบวันทา วันครูว่าอั้น
  ก็ขอหื้อหลาน จำเริญเต๋มขั้น ทุกสิ่งเทียมทัน ปัญญะ
  ขอหื้อสุขใจ๋ ก๋ายมีพละ โภคะเตื่อมแถ้ง มากมี
  อายุทีฆะ วรรณะผ่องศรี ทุกอย่างล้วนดี เนอgoodyเจ้า.

[ดาวลูกไก่ ชื่นชมยินดี]

เรียนท่านอาจารย์ทนันค่ะ มาได้โอกาสวันนี้วันไหว้ครูของหลายสถาบันค่ะ ขอไหว้ครูอาจารย์ในครานี้ด้วยนะคะ สมัครเป็นศิษย์มาตั้งนาน การบ้านก็ยังไม่ได้ลงมือ ไปข้างหน้าเรื่อยๆ เลยค่ะ

ยกมือวันทา ข้าน้อยขอไหว้สา อาจ๋านทนัน  ทิ้งช่วงเวลาไปนาน ยังบ่ได้ว่าง หื้อได้หัดเขียนคำค่าวเลยเจ๊า

[นายประจักษ์ ปานอินทร์]

ข้าน้อยขอไหว้ครู ทนัน ภิวงศ์งาม ท่านด้วยกาแฟ.....อิอิ.อิ แทน หญ้าแพรก ข้าวตอก ดอกมะเขือ  ขอร่วมระลึกถึงครูด้วยครับ ขอให้เป็นมงคลแก่ชีวิตทุกท่านครับ

[ทนัน ภิวงศ์งาม]

 สวัสดีครับท่าน ศน.อ้วน

• ฟังกำเปิ้นแล้ว  ใจ๋แป้วแต๊หนอ  พ่านอะหยังกอ  ท่าน ศน.อ้วน
  คนอ่านคนเขียน  เปียรหื้อครบถ้วน  จักบัวระมวล  แน่แต๊
  มีก้าคนจ๋าร คนอ่านบ่แล้ คนเขียนก็แข้ ญะใด
  เข้ามาเต๊อะครับ มาขับมาไข อ่านจบครั้งใด ใส่เม้นท์เหียหน้อย.

[ทนัน ภิวงศ์งาม]

.
สวัสดีครับคุณครูคิม

•  ดีใจ๋เมื่อฮู้ ครูคิมสนใจ๋ จักปริ้นต์เอาไป นั่งหมายแปล๋เล่น
  เจิญต๋ามสบาย ดีใจ๋ตื่นเต้น สะกดใจ๋เย็น รอฮับ
  แปล๋เสร็จวันใด ขะไจ๋เน้อครับ กลับมาเขียนถ้อย เนอนาย
  มาตอบตั๊ดนี้ อย่ารีรอหลาย วันเมินล้ำไป ขะไจ๋เน้อเจ้า.

[ทนัน ภิวงศ์งาม]

.
สวัสดีครับคุณ poo

• วันไหว้ครูนั้น วันพฤหัสศรี สัปดาแรกดี มิถุนาหั้น
  แต่หากจ๋นก๋าร เลื่อนไปว่าอั้น พฤหัสต่อไป เนอไซร้
  ดอกไม้บูชา หลากหามาไว้ แต่ขาดบ่ได้ สามเทือ
  ดอกเข็มหนึ่งนั้น สองดอกมะเขือ สามหญ้าแพรกเครือ ต้องหาหื้อได้.

[ทนัน ภิวงศ์งาม]

.
สวัสดีครับ ดาวลูกไก่ ชื่นชมยินดี

• วันนี้ดีใจ๋ ดาวลูกไก่ฟ้า มาแอ่วหาข้า วันดี
  วันไหว้ครูไซร้ ไทยแห่งวิถี ชื่นชมยินดี พี่ก็มาไหว้
  สุขสามประก๋าร จุ่งพลันเกิดได้ แก่ศิษย์จ๊ะใน ชาตินี้
  ผะญ๋าปั๋ญญา ฉลาดกล่าวจี๊ ดาวลูกไก่อี้ พร้อมมูล
  เจริญโภคะ เต๊จ๊ะดั่งสูรย์ เทพไท้ก๊ำจุน อุดหนุ่นเตื่อมแถ้ง.

[แดง]

สวัสดีค่ะมารำลึกถึงพระคุณของครูทุกท่าน

มีวันนี้เพราะมีครูค่ะ....

กล้วยไม้ออกดอกช้าฉันใดการศึกษาก็เป็นไปฉันนั้น...

 

[ทนัน ภิวงศ์งาม]

.
สวัสดีครับท่าน ผอ. ประจักษ์~natadee

• ผอ.ประจักษ์  น่าฮักแต๊หนอ  เพราะท่าน ผอ.  มาขอน้อมไหว้
  ข้าหน้อยอยู่หนอ  จึงขอตอบส้าย  ฝากวันทาไป  นอบนบ
  กราบครูไหว้ครู  บูชาเคารพ  ท่านประจักษ์อั้น  ผอ.
  ส่วนกาแฟนั้น  งดฉันแล้วหนอ  แต่ก็ยินดี  ที่ส่งไปหื้อ.

[ทนัน ภิวงศ์งาม]

.
สวัสดีครับพี่ แดง

• อันว่ากล้วยไม้ กว่าจักได้หัน ดอกงามของมัน เมินนานบ่หน้อย
  ออกดอกเมื่อใด สดใสเปล่งป้อย งามไสวลอย เอี่ยงฟ้า
  อันก๋ารศึกษา กว่าจักสง้า ก็ต้องรอถ้า นานเมิน
  เมื่อสำเร็จไซร้ โลกได้สรรเสริญ ครูศิษย์จ๋ำเริญ เกินจักกล่าวได้.

[krutoiting]

ไหว้สาน๊ะเจ้า วันทาอาจ๋าน

กระโลงโคล่งค่าว ก่เกิ๋ดศรั๊ทธา

ไว้ให้หั๋ดเขียนอ่านค่าว ร้อยไจ๋

สืบสานวัฒนธรรมไทใช้เป๋นหนท๊าง

 ให้สืบค่าวจ๊อย  ครูท่านน๋ำท๊าง

มากร๋าบมาก๋าน ไหว้สานะเจ้า

[ทนัน ภิวงศ์งาม]

 สวัสดีครับคุณ krutoi

• ครูต้อยเปิ้นมา ไหว้สาข้าเจ้า แลฝากลำเนา เอาไว้
  
  ว่าหันค่าวโคลง กะโลงค่าวไซ้ ศรัทธาเกิดได้ ใคร่เฮียน
  อยากฮู้แต่งคัด อยากหัดขีดเขียน เปิ้นเลยแวะเวียน มาเฮียนโตยข้อย
  เจิญต๋ามสบาย เนอนายครูต้อย ฮ่วมฮักฮีตฮอย เอาไว้
  
  หากแต่งบ่เป๋น ใจ๋เย็นเย็นไซร้ เฝิกอ่านก็ได้ เนอนาง
  อันค่าวจ๊อยนี้ บ่มีใผขาง เจิญเต๊อะแม่นาง ว่างมาอ่านเล่น.

[berger0123]

สวัสดีค่ะ คุณลุง

แวะมาถามไถ่ สบายดีไหมค่ะ

แบบว่าช่วงนี้ฝนตก

คุณลุงรักษาสุขภาพด้วยค่ะ

[ทนัน ภิวงศ์งาม]

 สวัสดีครับคุณ berger0123

• สรีพิพัฒน์ สวัสดิ์พูลผล จงเป๋นของคน ชื่อbergerเจ้า
  สองทุ่มปล๋าย คำนายน้องเหน้า มาแอ่วหาเฮา บล็อกบุ๊ค
  เปิ้นมาไถ่ถาม ความสารตุ๊กข์ ฤๅว่าเป๋นสุข ดีกา
  สุขภาพนั้น หื้อหมั่นฮักษา ขอบคุณแต๊นา สวัสดีเจ้า.

[แดง]

สวัสดีค่ะอาจารย์

ทุ่งดอกกระเจียวบาน บานช่วงเดือนกค.-สค

อยู่ที่อ. เทพสถิตย์ จ. ชัยภูมิ...

มีความสุขนะคะ

[ทนัน ภิวงศ์งาม]

.
สวัสดีครับพี่ แดง

• ตอบมาแล้วครับ สำหรับคำถาม ทุ่งกระเจียวงาม อยู่ตี้ไหนหั้น
  พี่แดงตอบไป ทันใจว่าอั้น อยู่อีสานอัน ไทยทิศ
  วันออกเฉียงเหนือ เนอเครือมิ่งมิตร ออ.เทพสถิตย์ ชัยภูมิ
  เดือนกรกฎ ออกผดหลายขุม สิงหาคมตูม แลบานสล้าง.

[นงนาท สนธิสุวรรณ]

 ขอร่วมคาระวะคุณครูทั่วประเทศด้วยค่ะ...

[ทนัน ภิวงศ์งาม]

.
สวัสดีครับพี่ นงนาท สนธิสุวรรณ

• นงนาทพี่ไท้ มาไหว้ครูกั๋น สนธิสุวรรณ นามสกุลเจ้า
  เปิ้นมาไหว้ครู ต๋ามฮีตแบบเบ้า มาไหว้ครูเฮา ทั่วทิศ
  นบก๋ายกราบงาม น้อมต๋ามดวงจิต คิดถึงพร้อมอั้น บุญคุณ
  กราบครูแล้วไซร้ จุ่งได้อุดหนุน นงนาทได้บุญ จำเริญเนอเจ้า.

[มนัญญา ~ natachoei ( หน้าตาเฉย)]

• ขอสูมา
• บ่ได้เข้ามาคุยโตยระยะนี้
• เพราะออกไปทำโครงการไร้พุงเจ้า
• ยังกิ๊ดเติงหาเจ้า

[ทนัน ภิวงศ์งาม]

 สวัสดีครับ มนัญญา ~ natachoei ( หน้าตาเฉย)

• มนัญญาน้อง เอ่ยถ้องวาจ๋า ว่าขอสูมา บ่ได้มาอู้
  มัวไปญะก๋าร ญะงานต่อสู้ กับคนแอวอู หย่อนต๊อง
  หลายตี้เหลือเกิ๋น ต๋ามเปิ้นเอิ้นฮ้อง หน่วยงานเกี่ยวข้อง เจิญมา
  ยินดีหมื่นครั้ง ตี้ยังเติงหา ขอมนัญญา ทีฆายุมั่น.

[berger0123]

ภาพนี้คือภัตตาคารมังกรหลวง ค่ะ

[ทนัน ภิวงศ์งาม]

 สวัสดีครับคุณ berger0123

• ยินดียิ่งเน้อ bergerมาขาน เป๋นภัตตาคาร มังกรหลวงเจ้า
  คนวาสนา ดีคงได้เข้า ส่วนคนอย่างเฮา มืดมิด
  ถึงจะผะสงค์ คงได้แต่คิด ชีวิตสุดเสี้ยง คงโมฆ์
  คุณbergerครับ สำหรับคนโหล อย่างผมคงโน เซย์โนบ่เข้า.

[ครูตา ลป.]

สวัสดีเจ๊า..

• บทค่าวสาธยายพิธีไหว้ครูของท่านเยี่ยมยอดเลย เสียดายพบช้าไปหน่อย ไม่งั้นครูตานำไปให้เด็ก ๆ ร้องวันไหว้ครูที่โรงเรียนแล้วล่ะ
• ขออนุญาตเก็บรวบรวมข้อมูลดี ๆ ไว้สืบสานต่อไปเจ๊า...

                         

[ทนัน ภิวงศ์งาม]

.
สวัสดีครับคุณครูตา ลป.

• ม่อนอายแต๊หนา ครูตามาตั๊ก มายอค่าวสร้อย ว่าดี
  ค่าวข้าม่อนน้อย ยังด้อยวิถี สาระบ่ดี บ่มีรสถ้อย
  ก๋ำลังฮ่ำเฮียน เปียรแต่งกำหน้อย แล้วโพสต์เว็บลอย ล่องฟ้า
  หากว่าครูตา ปี๋นี้มาจ๊า เอาใหม่ปี๋หน้า มาเลย
  เก็บสะสมไว้ เต๊อะครูตาเหย เจิญต๋ามเสบย เอาเลยข้าหื้อ.
• ขอหื้อครูตาโจ้คดีมีความสุขจุ้คืนวันค่ำเจ๊าแลงงายเน่อครับ

[Boo]

กราบสวัสดีเจ้า พ่อครูบาทนัน

เวลาผ่านไปเร็วมากๆ เลยนะคะ ปีนึงมาเวียน ไหว้ครูอีกแล้ว ...

เมื่อเช้าเพิ่งไปอ่านค่าวของน้องนางเอกต้อม ลูกศิษย์ จึงมาอ่าน ค่าว โคลง พ่อครูอีกค่ะ

พ่อครูบาสบายดีนะเจ้า หื้อรักษาสุขภาพ ไว้หนูจะมาแต่งค่าวภาษาใต้โตย คราวหน้าอีกนะคะ ;)

[ทนัน ภิวงศ์งาม]

สวัสดีครับคุณpoo

วันนี้เพิ่งรู้ คุณpooมาหา หลายวัยเลยนา บ่ได้มาเข้า
ต้องขออภัย ด้วยใจ๋เนอเจ้า เพิ่งเข้ามาดู วันนี้
น้องpooอยู่ไกล๋ หลายหมื่นแสนลี้ ส่งใจ๋มาจี้ มาเติง
ขอบคุณยิ่งล้ำ ในความคิดเถิง ขอจงสำเริง สำราญเน่อเจ้า.