บัดนี้ จักเล่าเกี้ยว หญิงโป่นครโค*
ราชเทวี มากกามเปลือยโป้
ทั้งกรุงกว้าง นายทหารยศใหญ่
เปลี่ยนเผียน* กันฮับใช้ ได้เซิงโป้โป่นาย
ด้ามดั่ง สิงห์แม่ฮ้าย ครองไพร่กลางไพร
บัญชาผัว อยู่หลังคอยลั้ง
ท้ายเหวอ เอิกหวาโต้น โนนงามในง่าม
อยากใผ นางสั่งซี้ ซมซ้อนสวาทซอน
พระยา ฮูปฮ่างสั้น กาเทียบนางหงส์
มีแต่ หายิงสัตว์ เที่ยวพงดงด้าว
ปละปล่อย การเมืองบ้าน วางใจคุณหญิงโป่
นคร ฮามขื่อข้าว* เมืองบ้านสั่นคลอน
คืนหนึ่ง นางสั่งให้ ทหารเอกเสนอตัว
มันก็ ฝืนใจตาม ฮ่วมเตียงเสียล้า
ทำท่า นอนหลับม้อย เสียงกร่นก้องทีบ
เวียกบ่ได้ นอนแล้งบ่แข็ง
หญิงโป่ เป็นเดือดแค้น ลงโทษนายทหาร
วางแผนเทียม ปวดคิงเป็นไข้
พอเมื่อ แลงลงคล้อย พระยาคืนปางค์ราช
เห็นหม่อมน้อง คางโอ้ยอยู่เตียง
นางก็ ออยออดเตื้อย จาต่อพระยาเมือง
คืนขวัญเสีย ถืกกุมกามกลั้ว
นายทหารกล้า มานอนเกี้ยวกอด
สอดเสียบ แทงทั่งทื้น ทั้งคืนน้องเกือบสิตาย
พระยา ตรัสสั่งให้ การด่วนลงทัณฑ์
โมโหสูญ สั่งสังหารถิ้ม
นายทหารกล้า ยอมตายด้วยเกียรติ
หญิงโป่ หายส่วงไข้ หัวล่ออยู่ใจ
ผู้นำ พาไพร่ฟ้า หาแต่เริงรมย์
ลืมหลั่ง เททานฝน ไฮ่นาคองถ้า
วันคืน หาเกมเล่น วางใจคนอื่น
น้ำเต้าเปล่า ขาดน้ำ หิวแห้งทั่วเมือง แท้แล้ว
(31 ตุลา 10)
* หญิงโป่ - หญิงผู้เป็นหัวหน้า
* เปลี่ยนเผียน - ผลัดเปลี่ยน
* ขื่อข้าว - ไม้ขื่อ ไม้คร่าว ไม้เครื่องบนสำหรับยึดเสาบ้าน
มาอนนิทานครับ
ขอบคุณค่ะที่แวะเข้ามาอ่านนิทานโบราณๆ
สวัสดีค่ะ คุณไชสุวัน แพงพง ฝากบอกว่า สะบายดีปีใหม่ ถึง อาจารย์ ดร. อรรถ นันทจักร์ ด้วยนะคะ
ขอบคุณค่ะ